Flash News

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

“Reuters”: Rama kërkon mandatin e katërt në zgjedhjet e dominuara nga korrupsioni dhe bandat kriminale

Ditari i Maxhorancës

BE reagon për arrestimin e Veliajt: Po ndjekim nga afër zhvillimet

Politiko 12 Shkurt 2025, 17:04

BE reagon për arrestimin e Veliajt: Po ndjekim nga afër zhvillimet

Bashkimi Evropian ka reaguar për arrestimin e kryebashkiakut të Tiranës, Erion Veliaj, duke deklaruar se po ndjek nga afër zhvillimet mbi hetimet ndaj tij.

“Po ndjekim nga afër zhvillimet e fundit në lidhje me hetimin ndaj Kryetarit të Bashkisë së Tiranës. Megjithatë, BE-ja nuk komenton mbi procedurat gjyqësore në vazhdim. Reforma në sektorin e drejtësisë dhe forcimi i shtetit të së drejtës në Shqipëri janë elementë kyç në procesin e anëtarësimit në Bashkimin Evropian,” thuhet në reagimin e BE-së.

Në deklaratën e saj, BE-ja nënvizon përkushtimin për të mbështetur Shqipërinë në konsolidimin e institucioneve të saj dhe forcimin e pavarësisë së drejtësisë.

“BE-ja mbetet e përkushtuar maksimalisht për të mbështetur përpjekjet e Shqipërisë në ndjekjen e këtyre reformave dhe për ta ndihmuar vendin të konsolidojë efikasitetin, pavarësinë, llogaridhënien dhe profesionalizmin e institucioneve të saj, si dhe përputhshmërinë e tyre me standardet e BE-së, si në sektorin e zbatimit të ligjit ashtu edhe në atë të drejtësisë.”

Një theks i veçantë në deklaratë i është vënë rolit të Strukturës së Posaçme kundër Korrupsionit dhe Krimit të Organizuar (SPAK), e cila sipas BE-së duhet të veprojë pa asnjë ndërhyrje politike.

“Roli specifik i SPAK-ut dhe pavarësia e tij në hetimin, ndjekjen penale dhe gjykimin e rasteve komplekse të korrupsionit, pa asnjë përpjekje për ndërhyrje politike apo presion të padrejtë, janë me rëndësi thelbësore për konsolidimin e shtetit të së drejtës në Shqipëri,” përfundon deklarata e BE-së.

Arrestimi i Veliajt ka shkaktuar reagime të shumta në vend, ndërsa hetimet mbi aferat e tij vazhdojnë.

 

Të fundit