Flash News

Reagon Rama pas lirimit të Tahirit nga burgu

VIDEO/ Autobusi i “Freskut” humb drejtimin, përfundon në hyrjen e lokalit

Njihet si person me rrezikshmëri, me kë e ndante qelinë Tahiri. Zbardhet biseda mes tyre pas lirimit

Lajçak dhe Escobar javën e ardhshme në Kosovë dhe Serbi

Nga temperaturat e larta në rrebeshe shiu, ja si do të jetë moti në fundjavë

Bota

Përplasen dy helikopterë ushtarakë të SHBA-së, “priten fatalitete”

Politiko 30 Mars 2023, 08:21

Përplasen dy helikopterë ushtarakë të SHBA-së,

Dy helikopterë të Ushtrisë së Shteteve të Bashkuara të Amerikës u përplasën mes vete gjatë një misioni stërvitor mbi Kentaki të mërkurën mbrëma, tha një zëdhënëse e Ushtrisë.

Guvernatori i Kentakit tha se pritet të ketë fatalitete dhe kërkoi nga publiku të luten për të gjithë të prekurit.

“I kemi marrë disa lajme të këqija nga Fort Campbell, pas raportimeve të hershme për një përplasje helikopterësh dhe priten fatalitete”, tha ai në një postim në Twitter.

Por, ende nuk është konfirmuar nëse ka pasur viktima nga ky aksident, sipas raportimeve nga Reuters dhe New York Times. Zëdhënësja e Ushtrisë, Nondice Thurman, tha në orët e para të së enjtes se nuk dihet gjendja e pjesëtarëve të ekuipazhit.

Incidenti ndodhi në orën 22:00 të së mërkurës (në orën 4:00 të mëngjesit të së enjtes sipas kohës lokale në Kosovë), kur dy ekuipazhe të ushtrisë amerikane po fluturonin me helikopterë të llojit HH60 Blackhawk.

Pas përplasjes, helikopterët raportohet të jenë rrëzuar në Trigg të Kentakit, në perëndim të bazës ushtarake Fort Campbell.

Ushtria lokale e ka konfirmuar se helikopterët e tyre ishin të përfshirë në këtë incident.

“Komanda është aktualisht e fokusuar në kujdesin për pjesëtarët e shërbimit dhe familjarët e tyre”, tha një zëdhënës i bazës ushtarake Fort Campbell për BBC-në./ REL

Të fundit