Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Do të marrin 3 mln lekë pagë, deputeti i PS: Është në dinjitetin e një vendi. Po rrezikojmë jetën

Politiko 24 Maj 2023, 17:55

Do të marrin 3 mln lekë pagë, deputeti i PS: Është

Deputeti socialist, Petro Koçi ka komentuar vendimin e fundit të miratuar për rritjen e pagave të deputetëve dhe ministrave, të cilat do të miratohen këtë të enjte në Kuvend.

Në një intervistë në A2CNN, ai tha se rritja e pagës është në dinjitetin e vendit pasi sipas tij dikur deputeti kishte makinë dhe shofer në dispozicion nga shteti, kurse sot nuk ka.

Madje shtoi se kanë edhe vështirësi pune me "profesionin" që kanë, i cili sipas Koçit, u rrezikon edhe jetën. 

“Kemi të bëjmë me një rritje pagash në përgjithësi, në të gjithë sistemin buxhetor. Por, mendoj që një status deputeti prej langaraqi do ta bënte edhe vetë Parlamentin langaraq. Këto diferenca hapin debat dhe diskutim, por është në dinjitetin e një vendi që Parlamenti të ketë një trajtim normal. Aktualisht, nuk e ka këtë lloj dinjiteti. Sot deputeti është vetë sekretar, vetë shofer…

 Dikur ka patur makinë dhe shofer në dispozicion nga shteti, nuk kishte nevojë të rrezikonte jetë një person i cili shpenzon orë të tëra në debate dhe takime, e pastaj të kthehet në shtëpi në orët e vona. Megjithatë, unë nuk besoj se deputetët janë ligësia e këtij vendi.

Nëse marrim sot nivelin e jetesës dhe pagat, deputeti, edhe me ndryshimet që do të hyjnë në fuqi, nuk është nga më të paguarit. Nëse marrim pasanikët e këtij vendi, deputetët janë fundi i kavallit. Ka edhe nga ata që janë biznesmenë, por po flas për ata që janë vetëm deputetë, që nuk kanë biznese. Nuk është se kjo na çon në një pozicion kaq shumë të lakmueshëm”, shtoi Petro Koçi.

Të fundit