Flash News

Starton sot Giro D’Italia, ja akset rrugore që bllokohen në Tiranë nga ora 13:00-18:00

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

Ditari i Maxhorancës

Dosja e SPAK: Veliaj dhe Xoxe, skemë pastrimi parash me fonde nga Ambasada Amerikane dhe BE

Politiko 11 Shkurt 2025, 16:42

Dosja e SPAK: Veliaj dhe Xoxe, skemë pastrimi parash me fonde nga Ambasada

Hetimet e SPAK po zbulojnë një rrjet të gjerë korrupsioni dhe pastrimi parash të lidhur me kryebashkiakun e Tiranës, Erion Veliaj, dhe bashkëshorten e tij, Ajola Xoxe. Sipas dosjes  të prokurorisë speciale, një pjesë e skemës është zbatuar përmes organizatave joqeveritare të Xoxes, të cilat kanë marrë fonde nga Ambasada Amerikane në Tiranë dhe Delegacioni i Bashkimit Europian, për projekte që nuk janë realizuar.

Sipas dokumenteve të SPAK, Ambasada Amerikane në Tiranë është përfshirë në skemën korruptive, veçanërisht në seksionin që ka bashkëpunuar me fondacionin Soros. Një nga rastet e përfshira në hetim tregon se për një projekt me katër aktivitete është marrë një grant prej 18 mijë eurosh nga Ambasada, por nga këto, vetëm një aktivitet është realizuar.

Në dosje përfshihen edhe komunikime mes financieres së OJF-së së Xoxes, Adela Kondakçiu, dhe ish-administratores së organizatës, të cilat diskutojnë se si miratoheshin projektet fiktive dhe shpërndaheshin fondet.

Paratë nga BE dhe skema e dyshimtë e granteve

Jo vetëm Ambasada Amerikane, por edhe Delegacioni i Bashkimit Europian ka dhënë fonde për projektet e OJF-ve të Xoxes. Për shembull, vetëm për projektin SPARE, ajo ka përfituar mbi 22 mijë euro, ndërkohë që dosja e SPAK ngre dyshime mbi realizimin e këtyre projekteve.

Përmes këtyre OJF-ve, Veliaj dhe Xoxe kanë siguruar shuma të konsiderueshme parash, duke përdorur në mënyrë abuzive fondet e dhëna për projekte të ndryshme. Hetimet e SPAK vazhdojnë për të zbardhur plotësisht skemën dhe përgjegjësitë e përfshirëve në këtë aferë.

     
Dosja e SPAK: Veliaj dhe Xoxe, skemë pastrimi parash me fonde nga Ambasada
 

Të fundit