Flash News

Aksident në Lushnje, përfshihen katër makina dhe një motoçikletë

SPAK mbylli hetimet, reagon Meta: U firmos me urdhër të Edi Ramës

U mor e pandehur nga SPAK, Kryemadhi: Kryeprokuror i BKH është Edi Rama

Pastroi paratë e Çopjave, arrestohet në Dubai Armis Stafa

Partia Demokratike ankimon rezultatin e zgjedhjeve në Korçë

Ditari i Maxhorancës

Dyshimet për ndërhyrje në zgjedhjet në Elbasan/ Klodiana Lala: SPAK po heton grupin e Suel Çelës

Politiko 26 Maj 2025, 22:03

Dyshimet për ndërhyrje në zgjedhjet në Elbasan/ Klodiana

Gazetarja Klodiana Lala ka zbuluar detaje të reja lidhur me hetimet për krimet zgjedhore në qarkun e Elbasanit, pas akuzave të Partisë Demokratike se banda kriminale e Suel Çelës ka ndikuar në rezultatin e zgjedhjeve të 11 majit. E ftuar në emisionin “Të Paekspozuarit” në MCN TV, Lala tha se në Elbasan janë duke u hetuar pesë çështje të ndryshme nga SPAK, që lidhen me korrupsionin zgjedhor.

Sipas saj, janë kryer hetime konkrete për persona që dyshohet se kanë favorizuar kandidaturën e Sara Milës, e cila fitoi një rezultat të bujshëm në zgjedhje, pavarësisht mungesës së një aktiviteti të theksuar politik më herët.

“Suel Çela është kreu i një organizate kriminale të goditur nga SPAK dhe ndaj tij është lëshuar urdhër arresti. Disa nga anëtarët e grupit të tij janë arrestuar, të tjerë janë në arrati. SPAK ka ushtruar kontrolle te persona të ndryshëm, përfshirë edhe zyrtarë institucionalë, për të verifikuar nëse ka pasur ndikim apo favorizim të fushatës së Sara Milës,” deklaroi Lala.

Ajo theksoi se janë sekuestruar telefona dhe janë zhvilluar kontrolle në kuadër të hetimeve për trafik droge dhe krim zgjedhor. Një nga rastet e përmendura ishte ai i Luan Tabakut, për të cilin janë kryer kontrolle të posaçme.

Lala ngriti gjithashtu pikëpyetje mbi mënyrën sesi një kandidate pa kontribut të dukshëm politik mund të arrijë mbi 20 mijë vota në një qark të madh si Elbasani, ndërkohë që figura të njohura si Fatmir Xhafaj apo Erion Braçe nuk kanë arritur shifra të tilla.

Ajo nënvizoi se ndryshe nga rasti i Jorida Tabakut, e cila ka patur angazhime konkrete në politikë, në rastin e Milës duhet të jepen sqarime për kontributin dhe mbështetjen që e çuan në një rezultat të tillë.

Sipas gazetares, përveç çështjes së Elbasanit, në të gjithë vendin janë duke u hetuar rreth 40 raste të korrupsionit zgjedhor, përfshirë Shkodrën, Fierin dhe Pukën, ku është sekuestruar një telefon që mund të ndihmojë në zbardhjen e skemave të manipulimit.

Një nga hetimet më delikate, sipas Lalës, është ai që është referuar nga burgu dhe që po mbahet në mënyrë diskrete. “Është një hetim me bazë të gjerë, që sipas meje mund të prodhojë rezultate shumë të forta,” tha ajo, duke shtuar se krimet zgjedhore duhet të hetohen dhe ndëshkohen pa kompromis.

Të fundit