Flash News

Ndërron jetë në spitalin e Traumës i mituri që u përplas nga makina

Goditi me makinë efektivin, ndalohet nga policia Aurel Mehaj, dhëndri i ish-kryebashkiakut të Elbasanit

Klos-Burrel/ Shoferi humb kontrollin e makinës, përplas të miturin

Zjarr mbi varrezat e ‘Dëshmorëve’ në Delvinë

Aksidenti me 4 viktima në Fushë Prezë, arrestohet drejtuesi i betonieres dhe dy të tjerë, në kërkim administratori i firmës

Ditari i Maxhorancës

Çekia kërkon rikthimin e vizave për Shqipërinë, Rama: Nuk ka gjasa të vihen, është thashethem

Politiko 18 Tetor 2022, 18:54

Çekia kërkon rikthimin e vizave për Shqipërinë, Rama:

Republika çeke ka kërkuar rikthimin e vizave për disa vende, mes tyre edhe Shqipëria. Sipas Çekisë, shkak është bërë kalimi i jashtëligjshëm në rritje e emigrantëve duke vlerësuar se Shqipëria nuk e ka parandaluar.

Kryeministri Edi Rama ka reaguar për herë të parë lidhur me lajmin. Në një postim në Twitter, Rama shkruan se nuk ka asnjë shans që Shqipërisë t’i rikthehen vizat duke akuzuar opozitën për përhapjen e lajmit.

“Të gjithë e dinë se kujt i është vënë viza në Shqipëri, askush mos çuditet si e qysh përhapet thashethemi se BE-ja do kthejë regjimin e vizave! Nongrata nuk ka shans të hiqet, vizat nuk ka gjasë të vihen dhe opozita e rublave sado të japë shpirt s’ka për të hequr dorë”, shkruan Rama në Twitter.

Në fakt ajo që Rama e quan ‘thashethem’ nuk u deklarua nga opozita, por nga SchengenVisa.com.

Artikulli citon se “Shtetasit nga Turqia, Tunizia, India, Kuba dhe Burundi, në veçanti, hyjnë legalisht (pa viza) me ajër në Serbi (dhe nga disa prej këtyre vendeve edhe në Shqipëri) dhe një numër shumë i lartë lëviz në mënyrë të parregullt më tej drejt anëtarit të BE-së”.

Në këto kushte, Çekia ka kërkuar rikthimin e vizave për Shqipërinë me argumentin se “Shqipëria kurrë nuk i përafroi plotësisht listat e tyre për heqjen e vizave jashtë shtetit me BE-në, edhe pse ata gëzojnë udhëtim pa viza në bllok, kjo kontribuon në rritjen e numrit të emigrantëve të parregullt që hyjnë në BE.”

Të fundit