Ditari i Maxhorancës

“Çështja e detit do të diskutohet në instancat ndërkombëtare”, Rama: Së shpejti mbledhje mes dy qeverive

“Çështja e detit do të diskutohet në instancat ndërkombëtare”, Rama 'thumbon' kundërshtarët politik: Patriotët e detit, të merren me diçka tjetër! Çështjet e patriotizmit nacional folklorik s'janë tonat

“Çështja e detit do të diskutohet në instancat

Kryeministri Rama, në një konferencë për shtyp pas takimit të sotëm me Ministrin e Jashtëm grek, Nikos Dendias, ka bërë me dije se çështja e detit do të shkojë për trajtim në organet e drejtësisë ndërkombëtare.

“Mes dy vendeve”, tha Rama, “do të diskutohet vetëm për çështje bashkëpunimi ekonomik, rajonal, si dhe fokusi do të vihet tek njerëzit.”

Po ashtu, në vijimësi të deklaratës së tij të mëhershme që “detin të dal e ta mbrojë me kanoe Luli, Saliu dhe Monika”, apo edhe deklaratës së presidentit Meta për “mbrojtjen e Shqipërisë nga armiqtë”, Rama ka ironizuar edhe njëherë përpjekjet “nacional-patriotike”, teksa shton se është i keqardhur që do të zhgënjehen të gjithë patriotët e detit, por “duhet të gjejnë arsye të tjera për të shpallur patriotizmin e tyre sepse çështja e detit nuk është një çështje që mund të bëjnë më as propagandën e tyre të shpifur anti-greke, që është një turp, dhe as elektorat patriotik në Shqipëri apo edhe në Kosovë.”

Kjo deklaratë Ramës, derjtuar kundërshtarëve politik, ka shkaktuar të qeshura tek përfaqësuesi i palës greke, ministri Dendias.

“Më vjen mirë që kemi një dakordësi të plotë edhe me Ministrin e Jashtëm edhe me Kryeministrin grek që çështjet që duhet të zgjidhim së bashku nuk janë çështje për eksport në Bruksel.

Ne nuk kemi nevojë që Brukseli të na vendos përballë obligimit që ne t’i trajtojmë këto çështje, dhe Greqia nuk ka nevojë të përdor Brukselin të na vërë ne përballë këtyre çështjeve.

Nuk shohim një pamundësi zgjidhje. Janë të zgjidhshme dhe ne jemi në rrugën për t’i zgjidhur.

E kam shumë të qartë që sot të gjithë i kanë veshët e hapur lidhur me pushimin e ardhshëm që Greqia do t’i bëjë Shqipërisë përmes detit, por nuk do të ketë një pushtim. Përkundrazi, dhe më vjen keq që do të zhgënjehen patriotët e detit, përkundrazi sot me shumë kënaqësi mund ta them nga ana ime dhe ministri patjetër nga ana e tij, kemi rënë dakord që këtë çështje ta trajtojmë në instancat ndërkombëtare.

Së bashku Shqipëria dhe Greqia do t’u drejtohen instancave ndërkombëtare për të vendosur pikat mbi ‘i’ në bazë të ekspertizës dhe në bazë të drejtës ndërkombëtare të detit.

Më vjen keq për patriotët e detit, por në këtë mënyrë duhet të gjejnë arsye të tjera për të shpallur patriotizmin e tyre sepse çështja e detit nuk është një çështje që mund të bëjnë më as propagandën e tyre të shpifur anti-greke, që është një turp, dhe as elektorat patriotik në Shqipëri apo edhe në Kosovë.

Të vetëvendosen në çështje të tjera. Kjo nuk është më një çështje që nuk është më në diskrecionin tonë apo të palës greke, por do të jetë në diskrecionin e drejtësisë ndërkombëtare.

Ne jemi plotësisht dakord dhe në këtë mënyrë do të fokusohemi tek bashkëpunimi ekonomik, rajonal, do të fokusohemi tek njerëzit. Duam të bëjmë më të mirën për qytetarët shqiptar me kombësi greke që jetojnë në Shqipëri, por edhe qytetarët grek apo ende jo grek me kombësi shqiptare që jetojnë në Greqi.

Për këtë arsye jemi fokusuar për të krijuar sa më parë një mbledhje me të dy qeveritë, për t’u marrë sa më parë me çështjet që kanë rëndësi për njerëzit e zakonshëm dhe që kanë rëndësi për fëmijët tanë në Shqipëri dhe Greqi. Çështjet e patriotizmit nacional folklorik nuk janë çështjet tona”, ka thënë Rama ndërsa falenderoi Ministrin e Jashtëm, Dendias, dhe kryeministrin Mitsotakis “që në respekt të marrëdhënieve të mira mes dy vendeve, kanë ndihmuar për të vënë në fuqinë e qeverive në funksion të popujve tanë.”

“Çështja e detit do të diskutohet në instancat

“Çështja e detit do të diskutohet në instancat

“Çështja e detit do të diskutohet në instancat
Dendias pas kritikave të Ramës ndaj 'nacionalistëve patriotik'

 

Ditari politik

Të fundit