Flash News

Kërkon lirimin me kusht, Ervin Salianji mbërrin në Gjykatën e Fierit

Zjarr në Lurë, flakët rrezikojnë Parkun Kombëtar

Në kërkim ndërkombëtar për drogë, kapet në Durrës 36-vjeçari (EMRI)

Shqyrtohet sot në Gjykatën e Lartë rekursi i Veliajt

Sot seanca në Gjykatën e Fierit, Salianji kërkon lirimin me kusht

Ditari i Maxhorancës

Sulmet ndaj SPAK, Rama: Nuk po përdor politikisht drejtësinë, jap garanci të hyjë lirisht në oborrin e PS

Politiko 11 Maj 2022, 10:15

Sulmet ndaj SPAK, Rama: Nuk po përdor politikisht drejtësinë, jap

Kryeministri Edi Rama po mban një konferencë për shtyp me ministrin e Drejtësisë, Ulsi Manja, lidhur me kritikat ndaj SPAK, bërë disa ditë më parë në Asamblenë Kombëtare të PS.

Rama u shpreh se kritikat që ai i ka adresuar SPAK-ut janë parë si presion apo përpjekje për të fshehur problemet në radhët e PS. Kryeministri u shpreh se asnjë nuk është i paprekshëm për drejtësinë, duke sjellë në vëmendje ish-ministra, ish-deputetë dhe ish-drejtorë të arrestuar, të cilët sot janë pjesë e hetimeve për organet e drejtësisë, ndërsa të tjerë janë dënuar.

Rama tha se kritikat që ai hodhi kundrejt SPAK-ut nuk janë sulme politike për drejtësinë dhe as sulme për kundërshtarët e tij politikë.

“Disa të tjerë e kanë komentuar si presion, apo përpjekje për të fshehur problemet. Për mua më e rëndësishmja është që ky diskutim të bëhet. SPAK mbush tre vjet dhe vettingu edhe pak javë mbush 5 vjet. Dhe për pak vite pritja e popullit shqiptar për një drejtësi të barabartë mbush 35 vjet. Të drejtën që ta ndaj me opinionin publik qëndrimin tim për punët e drejtësisë së re nuk ma heq dot askush. Kujtoj këtu për të gjithë ata që mund ta kenë harruar që i kemi mbështetur të gjitha veprimet e SPAK-ut pas asnjë ekuivok. Madje pa asnjë koment përveç veprimtarisë hetimore. E kemi bërë të qartë dhe e kemi treguar jo me fjalë, po me qëndrimin tonë, se për ne nuk ka të paprekshëm. Dhe se çdokush në radhët tona që me drejtësinë ka një llogari të hapur, derën e kësaj partie e ka të mbyllur. Kujtoj gjithashtu se nëse sot ish-ministra, ish-ministra, ish-kryebashkiakë të cilët një pjesë e madhe nuk kanë qenë ‘ish’ kur janë ndaluar dhe tani janë prapa hekurave, kjo është rezultat që as unë dhe askush nga ne, personalisht, s’jam angazhuar në rrugën e kësaj reforme as për të thënë një gjë e për të bërë një gjë tjetër. As për ta përdorur politikisht drejtësinë, as për të sulmuar politikisht kundërshtarët politik përmes organeve të drejtësisë. Garancia që të hyjë lirisht në oborrin e PS, jemi ne”, tha Rama.

Të fundit