Flash News

Aksident te "Shkalla e Tujanit", kamioni përmbyset në mes të rrugës, plagoset shoferi

By pass-i i Vlorës, zvarritje punimesh dhe rritje kostosh

Milan pritet të heqë dorë nga transferimi i Granit Xhakës

Inceneratori jashtë funksionit, përfshihet nga flakët fusha e mbetjeve në Elbasan

Aksident në aksin Lezhë-Shëngjin, një i plagosur

Ditari i Opozitës

Diaspora shqiptare reagon për arrestimin e Erion Veliajt: Hap i rëndësishëm kundër korrupsionit

Politiko 11 Shkurt 2025, 17:05

Diaspora shqiptare reagon për arrestimin e Erion Veliajt: Hap i

Arrestimi i kryebashkiakut të Tiranës, Erion Veliaj, ka shkaktuar reagime të forta nga opozita dhe komuniteti shqiptar në diasporë. “Koalicioni i Fitores së Partisë Demokratike 2025” në Michigan ka përshëndetur këtë zhvillim, duke e cilësuar atë si një hap të rëndësishëm në luftën kundër korrupsionit në nivelet më të larta të qeverisë.

Në deklaratën e tyre, ata vlerësojnë opozitën, veçanërisht ish-deputetin Belind Këlliçi, për rolin e tij në denoncimin e aferave korruptive që çuan në këtë vendim. Sipas tyre, kriminalizimi i jetës publike, emigrimi masiv dhe përhapja e korrupsionit janë tregues të qartë të rënies së pushtetit të Edi Ramës dhe Partisë Socialiste.

Koalicioni i bën thirrje Partisë Demokratike dhe forcave të tjera opozitare që të kërkojnë dorëheqjen e kryeministrit dhe krijimin e një qeverie teknike. Gjithashtu, ata i drejtohen SPAK-ut me kërkesën që të vazhdojë pa vonesa hetimet mbi zinxhirin e korrupsionit qeveritar.

Në deklaratë përmendet edhe emërimi i Chris LaCivita si menaxher i fushatës së opozitës, me bindjen se përvoja e tij do të ndihmojë në fitoren e Partisë Demokratike në zgjedhjet e ardhshme. Sipas tyre, fitorja e Donald Trump në SHBA do të ndikojë pozitivisht edhe në Shqipëri.

Deklarata e plotë:

KOALICIONI I FITORES TË PARTISË DEMOKRATIKE 2025   
11 Shkurt 2025                         

1. Koalicioni i Fitores të Partisë Demokratike 2025 përshëndet arrestimin kryetarit të bashkisë së Tiranës Erion Veliaj. Për një kohë të gjatë, publiku shqiptar dhe strukturat e shtetit kanë qenë njohur me shkaqe të mundshme për të besuar se Veliaj ishte i përfshirë në korrupsion aktiv dhe pasiv. Koalicioni përshëndet dhe vlerëson persistencën e zyrtarëve të Partisë Demokratike, në veçanti të ish-deputetit Belind Këlliçi, në denoncimet dhe paraqitjen para publikut të fakteve dhe oferave korruptive, të cilat çuan në arrestimin e Erion Veliajt.
 
Rritja e korrupsionit në nivele te larta ministrore, parlamentare, vendore etj. dhe mbrojtja ligjore ndaj tij, rënia e tejskajsheme e nivelit ekonomik
dhe punēs së ndershme, kriminalizimi i jetës së popullatës në përgjithësi, nëpërmjet lejimit të punës fiktive, kultivimit dhe trafikut të lëndëve narkotike dhe i trafiqeve të tjera, rënia e frikshme e numrit te popullsisë nëpërmjet emigrimit, arresimi i kryebashkiakut Velijaj, që pason arrestimin, dënimin apo burgosjen e dhjetra zyrtarëve afër kryeministrit Rama, përfshi ministra, deputetë, drejtues bashkishë etj, janë tregues të qartë të rënies dhe falimentimit te pushtetit të Edi Ramës dhe Partisë Socialiste.
 
Në këto kushte dramatike për Shqipërinë, i bëjmë thirrje Partisë Demokratike dhe forcave opozitare që të kërkojnë fuqishëm dorëjeqjen e Kryeministrit Edi Rama dhe krijimin e një qeverie teknike.
 
2. Ne shqipatro amerikanët në Michigan, i bëjmë apel strukturës antikorrupsion SPAK, që të vijojë me hetimin dhe arrestimin e të gjithë zinxhirit të korrupsuonit brenda qeverisë dhe hallkave të tjera administrative. Heshtja, mosveprimi apo zvarritja e hetimeve të personave, të cilët publikisht janë identifikuar dhe denoncuar nga Partia Demokratike si të lidhur me krimin, e njëson SPAK-un me vetë krimin.
 
I kujtojmë drejtuesve të SPAK, se kjo strukturë dhe rrogat te tyre janë financuar me paratë e taksapaguesve amerikanë, pra edhe me taksat tona si shqiptaro-amerikanë, prandaj kërkojmë logari. Procedimet ligjore selective dhe instrumentalizimi i SPAK si armë në duart e qeverisë, për të heshtur dhe persekutuar drejtuesit e opozitës duhet të marrë fund. Mostrajtimi nga SPAK i çdo qytetari si të barabartë para ligjit, është shpërdorim i detyrës që kanë marrë nga një financim amerikan dhe abuzim i fuqisë që kanë marrë si strukturë e shtetit shqiptar.
​
3. Përshëndesim fillimin e punës si menaxher të Fushatës mikun tonë amerikan Chris LaCivita. Ne besojmë se eksperienca e tij si strateg i fitores së Donald Trump, do të jetë efikase edhe në fushatën e fitores së Partisë Demokratike dhe kryeministrit të ardhshëm Dr. Sali Berisha. LaCivita u përball dhe ja doli me sukses nëpërmjet një fushate model kundrër mediave dhe miliarderëve më të fuqishëm të botës. LaCivita e ka fituar një herë betejën me George Soros dhe do ta fitojë përsëri. Dje, ne e dalluam qartë zvogëlimin dhe shfryrjen e të plotfuqishmit, të pathyeshmit, të fortit, të madhërishmit, “Skënderbeun e Spiropalit” Edi Rama, të cilin LaCivita e bëri një puppet e asgjë më shumë. Ne kemi besim se fitorja dhe drejtësia e Donald Trump do të rrezatojë fitore dhe drejtësi edhe në Shqipëri.

Të fundit