Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Fasha mbi 800 kWh, qeveria tërhiqet sërish: Nuk do të aplikohet as në nëntor

Politiko 8 Nëntor 2022, 18:34

Fasha mbi 800 kWh, qeveria tërhiqet sërish: Nuk do të aplikohet

Qeveria Shqiptare është tërhequr sërish dhe nuk do të aplikojë fashën 800 kilovatorë për abonentët as në muajin nëntor, siç kishte paralajmëruar.

Zëvendëskryeministrja, ministrja e Energjisë dhe Infrastrukturës, Belinda Balluku në një deklaratë për mediat tha se moti në vijim parashikohet me reshje dhe se ka një rënie në çmimin e tregut ndërkombëtar të energjisë.

“Në përfundim të muajit tetor të gjitha shifrat tregojnë se në Republikën e Shqipërisë konsumi i energjisë krahasuar me një vit më parë është 7% më pak dhe kjo është një shifër shumë e rëndësishme.

Kemi pritur reshje këtë fundjavë, por të cilat kanë qenë të pakonsiderueshme përsa i përket kaskadës së Drinit. Ka pasur reshje në vende të ndryshme të Republikës së Shqipërisë, sidomos në jug dhe juglindje, por në zonën e veriut reshjet kanë qenë të pakta. Megjithatë sipas të dhënave që ne kemi presim që të ketë evente meterologjike në zonën e interesit, në kaskadën e Drinit, por sigurisht edhe prurje nga Maqedonia e Veriut pas datës 13 nëntor.

Dhe nga ana tjetër duhet thënë se politikat rregullatorë të Bashkimit Europian përsa i përket situatës së energjisë elektrike dhe të tregjeve të gazit kanë ndikuar ndjeshëm në uljen e çmimit të importeve për energjinë elektrike”, tha Balluku.

“Ndaj, Qeveria Shqiptare ka vendosur të mos aplikojë fashën 800 kilovatorë për abonentët familjarë gjatë muajit nëntor. Kjo është një kohë për solidaritet. Në rast se të gjithë së bashku vendosëm të bashkëpunojmë, në qoftë se të gjithë së bashku, ashtu siç kemi bërë në muajin shtator dhe tetor, padyshim Qeveria Shqiptare është e angazhuar që të mos ekspozojë asnjë abonent familjar ndaj fashës 800 kilovatorë”, shtoi sërish ministrja.

Të fundit