Flash News

Përplasje mes tre automjeteve në Lushnjë, katër të plagosur

Vrasja e Xhulio Prelës, Gjykata e Apelit i kërkon SPAK bisedat e Ervis e Brilant Martinajt

Dyshohet se dhunuan djalin e ish-deputetit të PD në Lundër, dy të proceduar

I riu denoncoi gjendjen skandaloze të rrugës, dy zyrtarët e PS e dhunojnë (VIDEO)

Ekzekutohet me armë zjarri roja i një objekti në Vlorë

Ditari i Maxhorancës

Gjermania tërhoqi vëmendjen për investimet e huaja, Rama: Porti i Durrësit do jetë më luksozi në Mesdhe, të ardhura të pallogaritshme

Politiko 13 Shkurt 2021, 11:32

Gjermania tërhoqi vëmendjen për investimet e huaja, Rama: Porti i

Kryeministri Edi Rama deklaron në një bashkëbisedim me qytetarët e Tiranës se Porti i Durrësit do jetë nga më luksozi në Mesdhe pas investimeve që sipas tij pritet të vijnë nga Dubai.

Sipas Ramës, ky investim do sjellë të ardhura të pallogaritshme, e për pasojë do të thithen edhe investitorë të tjerë huaj.

“Projekti i portit të Durrësi do ndikojë në ekonominë kombëtare, se do krijojë të ardhura që sot nuk i kemi. Me transferimin e tij në një nga më luksozët në Mesdhe të ardhurat që do i vijnë vendit do jenë të pallogaritshme, se nuk është efekti i drejtpërdrejtë, por do krijohet punësim, sa shumë turistë do vijnë, e do mbajnë një zinxhirë shërbimesh në këmbë, por edhe sa shumë të tjerë do tërhiqen nga Shqipëria", u shpreh Rama. 

Disa do thonë duhet të shkojmë të investojmë, pas investimit nga Dubai. Deri para disa vitesh nuk mund të flitej për investitorë të këtij niveli, se nuk ofronin asnjë garanci e besim”, thotë Rama, ndonëse dy ditë më parë shoqata gjermane e Industrisë dhe Tregtisë në Shqipëri (DIHA) publikoi të dhënat se bizneset gjermane janë skeptikë për të investuar në Shqipëri dhe shkak ishte siguria ligjore dhe transparenca.

“Sipërmarrje gjermane dhe të huaja vazhdojnë të shprehin tepër shpesh skepticizmin e tyre lidhur me mjedisin e biznesit në Shqipëri. Ata pyesin, nëse do të mund të gjejnë këtu mjaftueshëm siguri ligjore dhe transparencë. Dhe unë jam dakord: Megjithë përpjekjet e shumta, ekziston nevoja që të ndërmerren hapa të mëtejshëm në mënyrë që klima e investimeve të përmirësohet dhe zhvillimi ekonomik i vendit të ecë përpara.

Vendimtare këtu janë siguria ligjore dhe transparenca. Vijimi i reformës në drejtësi dhe asaj në administratë vazhdojnë të jenë me rëndësi thelbësore për demokracinë, ekonominë dhe integrimin evropian. Në këtë rrugë Shqipëria mund të vazhdojë të ketë besim në mbështetjen e Gjermanisë”, thuhej në konkluzionet e shoqatës gjermane, takim virtual ku mori pjesë edhe ambasadori i Gjermanisë në Tiranë, Peter Zingraf.

 

Të fundit