Flash News

Irani sulmon Izraelin me raketa balistike

“Doja ta bëja…”, zbardhet dëshmia e shiptarit që vrau ish-gruan në Itali

Përplasen dy automjete në Korçë, një i plagosur

Foto/ Nënë e dy fëmijëve, kush është shqiptarja që u vra me thikë, ishte divorcuar para 3 vitesh nga autori

Itali/ 45-vjeçarja shqiptare vritet me thikë nga ish-bashkëshorti

Ditari i Maxhorancës

Gjykata e Lartë rrëzon kërkesën e Ajola Xoxës për kthimin e telefonit dhe sendeve të sekuestruara

Politiko 22 Maj 2025, 15:55

Gjykata e Lartë rrëzon kërkesën e Ajola Xoxës për

Gjykata e Lartë ka rrëzuar rekursin e bërë nga Ajola Xoxa, bashkëshortja e kryebashkiakut të Tiranës, Erion Veliaj, për kthimin e telefonit dhe sendeve të tjera të sekuestruara në kuadër të hetimeve të nisura nga Prokuroria e Posaçme (SPAK). Vendimi është marrë pas shqyrtimit të kërkesës së saj, e cila nuk u pranua nga trupa gjykuese.

Ajola Xoxa ndodhet nën masën e sigurisë “detyrim paraqitje”, lidhur me hetimin e njohur si “dosja Veliaj”, që ka të bëjë me dyshimet për abuzime me fondet publike në Bashkinë e Tiranës.

Sipas SPAK, Xoxa dyshohet se, në bashkëpunim me bashkëshortin e saj, ka ideuar dhe vënë në funksion një mekanizëm të strukturuar, i cili ka mundësuar përfitime të parregullta nga fondet publike të administruara nga Bashkia Tiranë. Ky mekanizëm dyshohet se ka pasur qëllim pasurimin personal dhe familjar, përmes veprimeve të kamufluara dhe të kundërligjshme.

Prokuroria e Posaçme e akuzon Ajola Xoxën për disa vepra penale të rënda, përfshirë:

“Korrupsion pasiv i funksionarëve të lartë shtetërorë ose i të zgjedhurve vendorë”, kryer në bashkëpunim (9 herë);
“Pastrimi i produkteve të veprës penale ose veprimtarisë kriminale”;
“Refuzimi për deklarimin, mosdeklarimi, fshehja ose deklarimi i rremë i pasurive dhe interesave privatë”.
Fillimisht ndaj Xoxës ishte vendosur masa e sigurisë “arrest në shtëpi”, por kjo u zbut në seancën e vlerësimit të masës, ku Gjykata e Posaçme Kundër Korrupsionit dhe Krimit të Organizuar (GJKKO) vendosi “detyrim paraqitje”.

Hetimet për këtë dosje mbeten të hapura, ndërsa SPAK pritet të përfundojë së shpejti fazën e hetimeve paraprake.

Të fundit