Hiqet tarifa doganore për importin e vaksinave anti-Covid

Foto Ilustruese

Me anë të një Vendimi të Këshillit të Ministrave qeveria ka vendosur heqjen e tarifës doganore për vaksinat kundër koronavirusit që do të importohen në vendin tonë.

Vendimi mban firmën e zëvendëskryeministri Erion Braçe. Gjithashtu parashikohet që edhe produkte të të tjera farmaceutike me kod specifik të importohen pa taksë.

Prej tre ditësh në Shqipëri ka nisur procesi i vaksinimit. Të parët që po i nënshtrohen janë bluzat e bardha.

"Në lidhjen nr.1, bashkëlidhur vendimit nr.1087, datë 24.12.2020, të Këshillit të Ministrave, në pjesën e dytë, seksioni VI, “Produktet e industrisë kimike apo të industrive të lidhjeve”, kapitulli 30, “Produktet farmaceutike”, kodi tarifor “3002 20 00 – Vaksinat për ilaç njerëzor, pa taksë -”, ndryshohet dhe zëvendësohet me kodet tarifore, si më poshtë vijon:

“★ 3002 20 10 – – Vaksinat kundër koronavirus të lidhur me SARS (speciet SARS-CoV), pa taksë –
★ 3002 20 90 – – Të tjera, pa taksë -”.
2. Ngarkohen Ministria e Financave dhe Ekonomisë dhe Drejtoria e Përgjithshme e Doganave për zbatimin e këtij vendimi.

Ky vendim hyn në fuqi pas botimit në “Fletoren zyrtare”", thuhet në njoftimin zyrtar.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm