Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Hyseni rendit faktet që çojnë në shkarkimin e Metës: Ka shkelur qëllimisht Kushtetutën me të dyja këmbët

Politiko 3 Qershor 2021, 22:44

Hyseni rendit faktet që çojnë në shkarkimin e Metës:

Kreu i Komisionit Hetimor Parlamentar për shkarkimin e Presidentit Ilir Meta, Alket Hyseni ka renditur sipas tij të gjitha faktet që çojnë në shkarkimin e Ilir Metës.

I ftuar në emisionin “Real Story” lidhur me nismën e PS, e cila pritet të votohet në Parlament më 9 qershor, Hyseni tha se Meta ka shkelur Kushtetutën, ka ndërhyrë drejtpërdrejt te zgjedhjet e 25 prillit, ka ndikuar te zgjedhësit, si dhe ka intimiduar institucionet, mes të cilave edhe Gjykatën Kushtetuese, që është organi garant i Kushtetutës.

“Presidenti i ka shkelur Kushtetutën dhe ligjet me të dyja këmbët, në mënyrë të qëllimshme. A është hetuar në raport me shkeljet në fushën e sjelljeve. Deklaratat duhet të jenë të matura për çdo President. Komisioni e ka faktuar se ai ka shkelur Kodin Zgjedhor. Të jesh President nuk do të thotë që ke gjithë pushtetin. Presidenti nuk ka pushtet mbi ekzekutivin, mbi legjislativin, apo mbi gjyqësorin. Ndërkohë ne e kemi të faktuar, në formë të shkruar apo me deklarata, që Presidenti ka intimiduar institucionet, që është një akt i rëndë. Ka intimiduar Gjykatën Kushtetuese, që është organi garant i Kushtetutës.

Është një tërësi thirrjes, deklaratash me thirrje e me shkrim, që Presidenti i bën presion Gjykatës Kushtetuese. Është një shkresë, që nuk i drejtohet as vetë Gjykatës Kushtetuese si institucion, por 7 anëtarëve të saj, duke i kërkuar llogari pse e ka marrë një vendimmarrje të caktuar, për një çështje që Presidenti nuk kishte asnjë rol. Aq më tepër që, kur Gjykata Kushtetuese flet, gjithë të tjerët heshtin. Përtej intimidimit, pra duke iu thënë se kanë vepruar gabim, duke iu bërë thirrje të heqin dorë, madje ka shkuar deri aty sa i ka ndarë gjyqtarët në dy grupe, një pjesë të mazhorancës, dhe që iu bën thirrje të shkojnë pas Presidentit, dhe pjesa tjetër që janë me Presidentin. Në asnjë mënyrë, Presidenti nuk mund t’i drejtohet një institucioni për ta intimiduar. Akte të tilla të Presidentit janë bërë publike, dhe pikërisht kjo është rrezikshmëria.

Presidenti kurrë nuk duhet të tregojë që merr kah. Edhe Venecia, në rekomandimin e fundit mbi Shqipërinë, shprehet se Presidenti duhet të tregojë se është mbi palët. Çdo qytetarë duhet të kuptojë që Presidenti është i të gjithëve. Presidenti jonë ka ndërhyrë drejtpërdrejt në fushatë, duke ndikuar te zgjedhësit. Të mos harrojmë sulmin që bëri, dhe kam frikë se vazhdon ta bëjë, ndaj ambasadorëve të huaj. Është një gjë që as që konceptohet të ekzistojë si mundësi për Presidentin. Kurrë Presidenti i Republikës nuk mund të mbajë qëndrime për politikën e jashtme, pasi është kryeministri që jep llogari, dhe patjetër edhe Parlamenti. Presidenti mundet thjesht të demonstrojë qëndrimin e shtetit, duke marrë pjesë, në të kundërt duhet të heshtë. Shqetësimet e tij duhet të jenë shumë të kujdesshme”, tha Hyseni.