Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Atentati me dy të vrarë në Rinas, reagon Rama: Nëse do kishim kamera me IA, do zbardhej në kohë reale

Politiko 15 Nëntor 2025, 12:05

Atentati me dy të vrarë në Rinas, reagon Rama: Nëse do

Vjen reagimi i kryeministrit Edi Rama disa ditë pas atentatit me armë në Rinas ku mbeti i vrarë Gilmando Dani dhe sot humbi jetën edhe agjenti i AMP, Muçi Shaljani, teksa ky i fundit e shoqëronte në makinë.

Në takimin me qytetarët e Njësisë 3 në Tiranë, Rama u shpreh se ajo ngjarje do të zbardhej në kohë reale nëse do të ishin instaluar kamerave me Inteligjencë Artificiale në rrugë dhe lagjet kombëtare, një sistem që pritet të instalohet sipas tij së shpejti. 

“Projekti i monitorimit me kamera inteligjente të rrugëve kombëtare është një projekt për sigurinë, për pastërtinë, për qetësinë e prindërve lidhur me fëmijët në shkolla. E kemi bërë të gjithë pjesën që duhet të bënim, flas nga pikëpamja e pjesës së qeverisë, me marrjen e mbështetjes nga Emiratet e Bashkuara, ku ky projekt është në zbatim dhe ka një sukses të jashtëzakonshëm.

Nuk i hedh më plehrat në rrugë, e ke të pamundur, sepse të kap kamera në kohë reale. Janë kamera inteligjente pikërisht për këtë, sepse nuk je ti që kontrollon lagjet. Kur bën një shkelje, në sistemin qendror vjen sinjali dhe del atje personi konkret i identifikuar. 8 muaj na ka marrë burokracia në agjencitë tona për të përfunduar procesin e dokumentacionit për të nisur procesin e instalimit.

Nëse do të kishim atë sistem, ajo ngjarja e Rinasit do të zbardhej në kohë reale. Por nuk është puna te zbardhja”, tha Rama ndër të tjera.

Të fundit