Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

“Ik, ik, kthehu, kthehu”, Rama flet për dixhitalizimin: Kujtohuni se sa shumë keni pritur në radhë

Politiko 19 Mars 2021, 10:47
“Ik, ik, kthehu, kthehu”, Rama flet për dixhitalizimin:
Kryeministri Edi Rama

Kryeministri Edi Rama ka folur për shërbimet e qytetarëve dhe të bizneseve, ku prezantoi shifrat e atij, që e quajti “revolucioni digjital”. Sipas kryeministrit, është rritur numri i regjistave elektronik dhe i personave që "mbarojnë punë" pa pritur në radhë.

“50 mijë të regjistruar ishin shqiptarët në portalin që supozohej se u ofronte shërbime. Me revolucionin digjital, sot që flasim janë 1.87 milionë të regjistruar që përdorin platformën, përdorin shërbimet. 6 ishin regjistrat elektronikë që presupozohej se duhet të ndërvepronin në platformën qeveritare. Sot janë 55 regjistra elektronikë që ndërveprojnë në kohë reale. Deri në 2013 numri total i transaksioneve, pra i ndërveprimeve të kryera në platformë ishin 680 mijë. Sot, shifra e fundit e 2020 është 145 milionë”, tha Rama.

Ky i fundit e cilësoi si një sukses dixhitalizimin, ndërsa tha se në këtë mënyrë iu ka dhënë fund fyerjeve me të cilat përballeshin qytetarët dhe ryshfeteve.

“Kujtohuni se në sa shumë radhë iu është dashur të qëndroni, pavarësisht moshës që nga nxënësit e maturës për të shkuar në universitet, tek pensionistët në moshën më të thyer për të marrë një vërtetim pensioni. Sa shumë radhë keni bërë për çdo copë letër dhe sa herë, sa shpesh në ato radhët e bëra iu është dashur të ballafaqoheni me fytyrën indiferente, me fytyrën fyese, poshtëruese të shtetit kur iu është thënë: “ik, hajde nesër”, “ik s’kam mundësi sot”.

“Ik, ik, kthehu, kthehu”. Dhe në sa shumë raste ju është dashur të paguani për të kaluar radhën, të paguani për të gjetur një rrugë më të shkurtër që ajo e shkretë copë letër që iu takon me ligj dhe me zakon t’ju vijë në dorë”, tha Rama.

Të fundit