Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Ikën Ardi Veliu, Çuçi: Pse zgjodha Gledin Nanon për Drejtor të Përgjithshëm të Policisë së Shtetit

Politiko 6 Tetor 2021, 20:59

Ikën Ardi Veliu, Çuçi: Pse zgjodha Gledin Nanon për

Ministri i Punëve të Brendshme, Bledi Çuçi ka treguar arsyet pse zgjodhi Gledin Nanon për Drejtor të Përgjithshëm të Policisë së Shtetit, si pasardhës i të dorëhequrit Ardi Veliu.

Në një intervistë për Top Channel, Çuçi thotë se Nano është njeriu i duhur për momentin dhe se është vlerësuar gjerësisht për rezultatet që ka arritur si drejtor i Drejtorisë së Anti-terrorit.

“Gledin Nano është një oficer karriere në Policinë e Shtetit dhe besoj së është njeriu i duhur për momentin pasi ka demonstruar që ka energji, përgjegjshmëri në kryerjen e detyrës duke e treguar dhe për këtë është vlerësuar gjerësisht për rezultatet që ka arritur si drejtor i Drejtorisë së Anti-terrorit.

Unë mendoj që të gjithë këtë standard të lartë që krijoi për hir të së vërtetës Ardi Veliu në Policinë e Shtetit dhe unë mendoj që Ardi Veliu është ndoshta drejtori i përgjithshëm më i mirë që ka qenë në 30 vite në Policinë e Shtetit. Pra këtë standard këtë nivel që ka arritur besoj se Gledisi është njeriu i duhur që do ta shty përpara dhe do të vazhdojmë të kemi rezultate po kaq të mira gjithmonë në përmirësim të performancës së Policisë së Shtetit në funksion të qytetarit”, tha ministri.

Ai liston disa prioritete që e presin drejtorin e ri të policisë po ashtu ai flet edhe për disa ngjarje të fundit kriminale në vend që lidhen me tentativat e krimit të organizuar për të gjetur rrugë të reja në trafikun e lëndëve narkotike.

“As më shumë dhe as më pak atë që në fakt kemi parashtruar në programin qeverisës. Në radhë të parë është vendosja e plotë e kontrollit të territorit të Shqipërisë ku dy sfidat kryesore mbeten, kanabisi ende dhe mbi të gjitha kontrollet për ndërtimet pa leje të të gjithë territorin e Shqipërisë. Do ti kërkoj ambicien që kemi për modernizimin e policisë shqiptare sidomos ne teknologji me dixhitalizimin dhe kjo është një sfidë shumë e madhe edhe një ambicie e imja si ministër I brendshëm por edhe në programin qeverisës. Padiskutim për të thelluar luftën ndaj krimit të organizuar.

Kemi një bazë shumë të shëndosh për luftën me krimin e organizuar se tashmë jemi partner të besueshëm me të gjitha vendet evropiane edhe me vende si SHBA, ku Policia e Shtetit bashkëpunon në operacione të përbashkëta me hetime të përbashkëta me agjencitë ligj-zbatuese të vendeve perëndimore si e barabartë. Mendoj që këto do të jenë shtyllat kryesore që do ti kërkoj edhe drejtorit të ri ashtu siç edhe kemi vendosur me drejtorin që u lirua Ardin që të vazhdojë më tej Gledini”, tha ministri.

I pyetur lidhur me avionin e rrëzuar në Veri të Shqipërisë dy ditë dhe dyshimet për një tentativë për të transportuar kanabis, Çuçi tha se është në pritje të hetimeve për këtë rast.

“Do të presim hetimet deri në fund. Por sigurisht nuk është një avion që vjen edhe që ulet në një situatë normale për turizëm kjo dihet tashmë. Në fakt është një përpjekje e dëshpëruar . Ai avion deri më tani nga hetimet rezulton që nuk është i regjistruar është I bërë në mënyrë artizanale pra jo i prodhuar nga ofiçina apo industri prodhuese avionësh. Nuk ka as numër serie asnjë një të dhënë.

Mënyra se si ka tentuar, vendi flasin për mënyrën e dëshpëruar të mënyrave që krimi organizuar po tenton të gjejë për trafikun, në një kohë kur është bërë gjithnjë edhe më e pamundur në këto vite si rezultat I luftës të Policisë së Shtetit dhe Shtetit Shqiptar ndaj trafiqeve të lëndëve narkotike dhe kryesisht të kanabisit”, tha ai.