Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

“Imagjino të grushtonim ne”/ Përplasja Boçi-Luca, Rama: Grushtonte si huligan, si skuth me ndihmën e rojeve

Politiko 21 Mars 2021, 13:54

“Imagjino të grushtonim ne”/ Përplasja Boçi-Luca,

Kryeministri Edi Rama ka folur për herë të parë për përplasjen fizike mes kandidatit për deputet të PD-së, Luçiano Boçi, dhe biznesmenit Gjergj Luca.

Gjatë fjalës së tij në prezantimin e kandidatë për Qarkun e Elbasanit, Rama u shpreh se nëse “gurshtuesi i sipërmarrësit të madh do të kishte qenë cilido nga ne, ata do të kishin vënë kujën”.

Kryeministri e konsideroi të paimagjinueshme atë shfaqje dhe shtoi se ish-deputeti demokrat gjuajti si skuth me ndihmën e rojeve.

“Nuk mund të vaksinojmë intensivisht, dhe të tallemi nga ana tjetër. Është papërgjegjshmëri dhe këtë nuk mund ta bëjë një forcë politike, që pretendon të ofrohet si forcë qeverisëse. Ky skuthllëk është tipar i lidershipit të tyre dem babadem dhe i politikës së tyre dem babadem. Gjithsesi ne do vazhdojmë të respketojmë rregullat, do gjejmë mënyra për të angazhuar njerëzit në komunikimet tona, por asnjëherë nuk do të biem pre e tufologjisë. Në vitin 2021, në mes të një pandemie, Shqipëria të kishte si alternativë zgjedhjeje një opozitë, e cila të ishte kaq e papërgjegjshme, kaq e boratizuar, kjo vërtetë do të dukej realisht e pamundur, nëse do ta shikonim Shqipërinë e 2021 me sytë e 1990. Janë ca gjëra që nuk kanë ndryshuar nga 1990, e mbi të gjitha natyra agresive, destruktive, vulgare, e politikës së vjetër, që mishërohet sot në koalicionin e ri të fytyrave të vjetra, që kemi përballë.

E pamë këtu në Elbasan pak ditë më parë dhe ju ftojmë të gjithëve ta imagjinoni sikur grushtuesi i një sipërmarrësi të madh këtu në Elbasan, si Gjergj Luca, të kishte qenë cilido prej nesh, cilido prej djemve e burrave që janë këtu në tavolinë. Imagjinoni sikur grushtuesi i një sipërmarrësi, grabitësi i telefonit të tij, të ishte Taulanti, apo Luani, apo Florenci, cilido qoftë, cfarë do të ishte bërë dhe cfarë do të kishin bërë, e sa emaile e telefonata, llumi e balte do të kishin derdhur nëpër Evropë, e sa shumë do të kishin vënë kujën. Por, ne e kemi të qartë që njerëz të dëshpëruar, bëjnë gjëra të dëshpëruara, edhe ata janë të dëshpëruar, se e kanë të qartë që nuk kanë mundësi ta kenë një shans tjetër.

Edhe këtu në Elbasan si në gjithë vendet e tjera kemi skuadrën që janë në pjesën dërrmuese të tyre nga këtu, që jetojnë këtu, që punojnë këtu dhe që janë të lidhur me njerëzit këtu. Janë të gjithë nga Elbasani dhe janë nga të gjitha rrugët e jetës, ndërkohë që të tjerët, një pjesë të konsiderueshme të skuadrës së tyre i kanë turistë politik. Që vijnë për fushatë, marrin votat, ikin dhe ku i kemi parë dhe ata që i kanë këtu i kanë për t’i lidhur, si ai që grushtonte si huligan një sipërmarrës, cilado qoftë arsyeja e konfliktit verbal, është e paimagjinueshme që një përfaqësues i popullit, një përfaqësues i këtij qyteti të grushtojë pa pushim edhe si skuth me ndihmën e rojeve të tij. Për ça i duhen rojet njëherë? Një sipërmarrës, punëdhënësin më të madh të Qarkut të Elbasanit, një njeri që ju ka dhënë punë mijëra familjave dhe po transformon vijimësisht gërmadha të mbushura me ferra e me plehra në fabrika të cilat eksportojnë “made in albania”. Është e pamundur që qytetaria e Elbasanit të identifikohet me këtë lloj shfaqje të dhunshme në disa shëmbëlltyra dhe që realisht nuk janë gjëkundi në mundësinë për t’i quajtur pasardhësit e një komuniteti ku ka pasur kaq shumë figura të ndritura dhe ku ka lulëzuar një nga vatrat më ekselente të arsimit shqiptar edhe të shqipes.”, tha Rama.