Flash News

Rrënohet shtëpia monument kulture e Pashko Vasës, mbesa e tij ngre alarmin

Qeveria e Kosovës vendim të ri për targat, reciprocitet me Serbinë për letërnjoftimet

BE arrin marrëveshje për t'i dhënë fund shitjes së makinave me naftë dhe benzinë nga viti 2035

Zbulohet celula e spiunazhit në Tiranë, nën hetim dhe ish zyrtarë të lartë të SHISH

Kushi e paditi për shpifje, Vokshi nga Gjykata e Posaçme: Ministrja të japë dorëheqjen, degradoi arsimin

Ditari i Maxhorancës

Integrimi/ Rama nga Berlini: Ndryshojmë kurs nëse Këshilli nuk çan murin e ngritur nga Bullgaria

Politiko 19 Maj 2022, 19:01

Integrimi/ Rama nga Berlini: Ndryshojmë kurs nëse Këshilli nuk

Kryeministri Edi Rama ka zhvilluar një vizitë në Gjermani ku është takuar me përfaqësues të politikës gjermane. Në përfundim të vizitës Rama ka dhënë një intervistë nga Berlini për të dhënë më shumë detaje rreth takimeve.

Kryeministri është shprehur takimet kanë qenë në kuadër të bisedimeve për integrimin e Shqipërisë në Bashkimin Evropian, si edhe lufta ruse në Ukrainë.

“Kjo ishte një ftesë e fondacionit Körber-Stiftung dhe në të njëjtën kohë dhe një interesim i këtyre palëve për të pasur një bashkëbisedim të afërt, lidhur me procesin e integrimit europian, konkretisht me stacionin e afërt të qershorit dhe përmbylljen e presidencës franceze ku është në rendin e ditës çështja e hapjes së negociatave formale për anëtarësim të Shqipërisë dhe Maqedonisë së Veriut. Patjetër, lidhur me luftën në Ukrainë, pozicionin e Shqipërisë dhe impaktin e luftës mbi rajonin dhe sigurisht edhe për ecurinë e mëtejshme në këtë drejtim për sa i përket edhe angazhimit tonë të drejtpërdrejtë në Këshillin e Sigurimit dhe në NATO”, është shprehur Rama.

Rama ritheksoi se nëse BE nuk bën asnjë hap para me çeljen e negociatave për Shqipërinë, për shkak të vetos që Bullgaria ka vendosur ndaj Maqedonisë së Veriut, atëherë Tirana do të kërkojë me insistim të trajtohet veçmas në proces.

“Ne ndërkohë që e kam diskutuar me të gjithë edhe faktin që ne kemi vendosur që do të ndryshojmë kurs, në momentin që me gjasë Këshilli Europian i qershorit nuk do të arrijë dot të çajë murin e vendosur nga Bullgaria për Maqedoninë e Veriut. Deri atëherë ne do qëndrojmë në pozicionin që duhet, pra të hapen negociatat formalisht për të dyja. Në rast se edhe atëherë ne do të mbetemi peng i një situate që nuk ka lidhje fare me ne, nuk ka lidhje fare me punën tonë, nuk ka lidhje fare me asgjë që ka të bëjë me Shqipërinë, atëherë ne do ndryshojmë kurs e do kërkojmë me insistim që Shqipëria të trajtohet veç”, ka thënë Rama.

Lidhur me vizitën në Ballkan që kancelari gjerman Olaf Scholz paralajmëroi para disa javësh, Rama tha se nuk ka ende një njoftim zyrtar, ndërsa konfirmoi se presidenti i Këshillit Evropian, Charles Michel do të jetë në Shqipëri.

“Nuk e di nëse kancelari Scholz do të vijë në Tiranë apo jo, sepse nuk kemi një njoftim zyrtar. Ai është shprehur që do të vizitojë rajonin, mua ma kishte thënë që do të vijë në rajon, por se ku do të qëndrojë mbetet për tu parë. Ndërkohë që po, presidenti Charles Michel do të vijë por nuk janë ditë vendimtare për Shqipërinë. Unë nuk shoh asgjë vendimtare në raport me këtë fakt, ky është një proces me të cilin ne tanimë jemi mësuar se si funksionon”, është shprehur Rama.

Të fundit