Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Integrimi/ Rama për France 24: Bullgaria ka bllokuar procesin, emigrimi? Perëndimi ka nevojë për fuqi punëtore

Politiko 13 Nëntor 2021, 16:42

Integrimi/ Rama për France 24: Bullgaria ka bllokuar procesin, emigrimi?

Kryeministri Edi Rama ka Zhvilluar një intervistë me televizionin francez ‘France 24’, lidhur me integrimin e Shqipërisë në Bashkimin Evropian, luftën ndaj korrupsionit si edhe me fushatën e vaksinimit antiCovid.

Rama tha se konflikti mes Bullgarisë dhe Maqedonisë së Veriut, po e mban të bllokuar procesin e integrimit edhe për Shqipërinë, të cilën në këtë situatë e konsideroi si një dëm kolateral i kësaj lufte mes dy vendeve.

“Po, jemi në një situatë absurde, për t’ju thënë të vërtetën sepse Shqipëria i është një dëm kolateral i një situate konfliktuale mes Bullgarisë dhe Maqedonisë pasi ka marrë dritën jeshile jo vetëm nga komision, por edhe PE. Bullgaria ka kërkesa të karakterit historik ndaj Maqedonisë e prandaj mbetet e bllokuar”, tha Rama për France 24.

Sa i përket qëndrimit të Francës, lidhur me çeljen e negociatave për Shqipërinë, Rama theksoi se qëndrimi i presidentit francez Emannuel Macron ishte më pak entuziast për integrimin. Megjithatë Rama shton se asnjë vend, qoftë Franca apo Gjermania, nuk mund të bëjë asgjë për të hequr veton bullgare.

“Që prej disa vitesh Franca kishte një qëndrim më pak entuziast që nuk lidhej me Shqipërinë apo me problemet tona, por ishte qëndrimi që lidhej me vizionin e presidentit francez që është një qëndrim i qartë dhe i shprehur për nevojën e thellimin e reformave në Evropë, që të ecej më shpejt me integrimin. As presidenti francez, as Franca e Gjermania nuk kanë forcë të lëvizin Bullgarinë nga veto e vendosur. Kjo e bën procesin më të ndërlikuar”, shtoi kryeministri Rama.

Lidhur me emigrantët shqiptarë në Evropë, dhe për një valë emigrimi të cilën ka pushtuar Shqipërinë, Rama tha se emigrimi nuk përbën kërcënim për integrimin dhe se Perëndimi ka nevojë për fuqi punëtore.

“Çfarë vale emigrimi? Problemi i valës së emigrimit nuk varet me avancimin e procesit të integrimit, por është i lidhur me të kundërtën. Nuk shoh rrezik shqiptar për Evropën, përkundrazi Evropa ka mundur të thithë miliona të tjera në dëm. Evropa Perëndimore ka nevojë për fuqinë punëtore që ofrojnë njerëzit nga Evropa Lindore dhe Ballkani”, tha Rama.

Kryeministri Rama pranoi për France 24 se në Shqipëri korrupsioni është prezent, por jo aq sa ishte niveli krahasuar me atë 8 vite më parë.

“Ju thatë shumë korrupsion, unë do të thoja se Shqipëria ka një problem me korrupsionin, por shembulli që thatë nuk është i vetmi. Në krahasim me Francën apo vendet e tjera ne jemi një vend që kemi ende probleme për të zgjidhur me korrupsionin, por në krahasim me 8 vite më parë kemi një spastrim shembullor të të korruptuarve në sistemin e drejtësisë”, nënvizoi Rama.