Kallëzimi në Prokurori, reagon Pjerin Ndreu: Policë barkderra që tejkalojnë kompetencat, lokalet rrinë hapur çdo natë deri në 02:00

Kryebashkiaku socialist i Lezhës, Pjerin Ndreu ka reaguar pas kallëzimit penal në Prokurori të tre efektivëve të Policisë së Shtetit, pasi pretendojnë se i ka penguar të ushtrojnë detyrën.

Në një postim në rrjetet sociale, Ndreu i quan “policë barkderrë”, efektivët që e kanë paditur penalisht në prokurori dhe sipas tij, ata kanë kanë kapërcyer kompetencat dhe kanë kryer veprime në kundërshtim me ligjin.

Ndreu kërkon ndjesë që e kishin tejkaluar me 20 minuta orën policore dhe sipas tij, më korrekte do të ishte vetëm një gjobë, por jo veprimet e dhunshme.

Lidhur me përplasjet me Policinë Ndreu shkruan se si drejtues i pushtetit vendor e ka për detyrë të mbaj qëndrim kur policia tejkalon masën dhe kryen veprime te dhunshme.

Sipas tij, shumica e lokaleve në Shëngjin rrinë hapur deri në orëm 02:00 dhe policë ndërhynë në një darkë zyrtare.

Reagimi i plotë:

Kallzim penal nga police barkderre, qe kapercejne kompetencat dhe kryejne veprime ne kundershtim me ligjin?!

-Qe nderhyjne ne nje darke zyrtare me prezencen e 15 kryetarve te komunave te Kosoves, me veprime te dhunshme, kur mund te shkruanin gjoben sipas ligjit qe eshte deryra qe duhet te benin ne keto raste!

-Me e keqja eshte se ndersa kryenin veprime te dhunshme ne nje darke zyrtare, shumica e lokaleve te Shengjinit ishin hapur, apo rrine hapur cdo nate deri ne oren 02, gje qe vertetohet me hapjen e kamerave lehtesisht.

– Pretendimi qe jane fyer eshte menyre per te shmange tejkalimin e kompetencave, veprimet e dhunshme ne nje darke zyrtare dhe shperdorimin e detyres duke mos vepruar ne lokalet e tjera qe ishin hapur pothuaj te gjitha.

Duke kerkuar ndjese per tejkalimin e orarit me 20 min, theksoj se gjoba do ishte korrekte, por jo veprimet e dhunshme.

Zhargoni qe vesh media me pretendime policesh me bark te fryre nga birra, eshte i tepruar.

Si drejtuesh i pushtetit vendore e kam per detyre te mbaj qendrim kur policia tejkalon masen dhe kryen veprime te dhunshme kur nuk kishte asnje kontigjent kriminal ne ate darke.

Por pikerisht kjo eshte problematike, se ndersa kontigjentet kriminal bejne ca te duan dhe si prek njeri, nje shkelje qe meriton gjobe per keso, edhe per mua, behet gurgule!