Flash News

Starton sot Giro D’Italia, ja akset rrugore që bllokohen në Tiranë nga ora 13:00-18:00

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

Ditari i Maxhorancës

Kampet e refugjatëve mbeten bosh, Rama ‘kyç’ gojën për dështimin e marrëveshjes me Melonin

Politiko 7 Shkurt 2025, 18:39

Kampet e refugjatëve mbeten bosh, Rama ‘kyç’ gojën

Gjykata italiane kthehu mbrapsht për herë të tretë emigrantët e paligjshëm që do të vendoseshin në kampin e Gjadrit dhe të Shëngjinit, në bazë të marrëveshjes që kryeministri Rama nënshkroi me homologen italiane Giorgia Meloni.

Nga Spanja, aty ku ndodhet në një vizitë zyrtare, Rama preferoi të mos e komentonte vendimin e gjykatës. Ai u shpreh se pyetja i takonte Melonit.

“Nuk kam asnjë mendim për këtë, pyetja duhet t’i drejtohet Melonit, sepse për ne kjo marrëveshje është e thjeshtë. Është një rol i thjeshtë. Na u kërkua nga Italia të ndihmojmë, sepse për ne marrëdhënia është mijëvjeçare me Italinë. Na ka ndihmuar shumë në momente tejet të rëndësishme. Kur ra tërmeti, forcat italiane erdhën për të ndihmuar, duke nxjerrë njerëzit nga rrënojat. Është një operacion 100% nën vëzhgimin dhe përgjegjësinë italiane. Lëvizja, vëzhgimi te qendrat është përgjegjësi e Italisë”, tha Rama.

I pyetur nëse do të ketë një marrëveshje të njëjtë me Spanjën kur të integrohen në BE, Rama tha se ishte një plan që nuk do të gjende vend për realizim.

“Nuk jam i sigurt se do kishte shumë kuptim se lidhet shumë me gjeografinë. Ne jemi të bashkuar nga deti me Italinë. E vetmja që e bën të arsyeshme ketë marrëveshje eshte se emigrantët nuk ndalojnë në Itali por në Shqipëri. Për Spanjën nuk e shoh të realizueshme ndalimin e emigrantëve në Shqipëri”, u shpreh ai.

Të fundit