Kandidatët e PS që morën më shumë vota, por nuk futen dot në Kuvend

Disa kandidatë, edhe pse kanë marrë një numër të lartë votash në zgjedhjet e 11 Majit, nuk do të futen dot në Kuvend. Shkak për këtë është kuota gjinore, e cila në këtë rast ka favorizuar tre zonja për të marrë mandatin e deputetit.

Në Berat, analisti Julian Zyla ka dalë i treti më i votuari në listën e hapur, por nuk futet dot në Kuvend. Sipas Kodit Zgjedhor do të përfitojë Hatixhe Konomi, edhe pse ka marrë 1200 vota më pak se Zyla.

E njëjta situatë është edhe në Durrës. Ilir Ndraxhi ka marrë 1900 vota më shumë se Etleva Budini, por mandatin do ta marrë kjo e fundit.

Arian Jaupllari penalizohet në Korçë, edhe pse ka marrë 10 vota më shumë se Besa Spaho. Por, kjo e fundit siguron mandatin e deputetes.

BERAT

Ikën Julian Zyla      4598 vota

Vjen Hatixhe Konomi      3366

DURRËS

Ikën Ilir Ndraxhi     3681

Vjen Etleva Budini    1773

KORÇË

Ikën Arian Jaupllari    5022

Vjen Besa Spaho         5012