"Kasandrat kanë shkuar në makabritet", Balla lum akuzash ndaj opozitës, zbulon arsyen e vizitës së Ramës në Dubai

Kreu i grupit të PS, Taulant Balla, gjatë fjalës së tij në Kuvend ka kujtuar 26 nëntorin e 2019, duke e cilësuar atë si momentin më të vështirë të gjeneratës sonë.

“26 nëntori  i 2019 ishte dhe do mbetet në kujtesë si momenti më i vështirë për gjeneratën tonë. Shumë familjeve shqiptare iu desh të përballen me pasojat e një tërmeti apokaliptik. 3 muaj pas tërmetit nisëm të merreshim me humbjet në luftën me virusin e rrezikshëm”, tha Balla.

Më tej, kreu i grupit të PS-së zbuloi se vizita e Ramës me Ahmetajn sot në Abu Dhabi është bërë për të përmbyllur një nga marrëveshjet më të mëdha të Rindërtimit.

Po ashtu Balla ka lëshuar lum akuzash ndaj kryedemokratit Basha kur tha se: Gjatë një viti në Shqipëri është zhvilluar dhe po zhvillohet edhe një betejë me panikun që duan të përhapin kasandrat e opozitës. Basha, i vetmi shqiptar që u zgjua me dy vila pas tërmetit, flet me lotë krokodili në kur shkon çadra. Kurse me pandeminë kasandrat kanë shkuar në makabritet. Qoftë duke folur për numrat në morgje, qoftë me konferencat ga divanet në FB”.

“I thamë çdo familje e çdo shqiptari i shqiptareje, ti s’do të jesh kurrë vetëm. E përballuam me përgjegjësi. Kurrë më parë Shqipëria nuk ishte përballur me këtë vështirësi. Do i mbajmë mend gjatë, si rrallë herë kur shqiptarët u bënë bashkë. Ishte moment i veçantë, por ndonjë në krahun tjetër politik nuk e zgjati solidaritetin.

Kulmoi me një shpërthim si ai i ditëve të fundit, fill pas suksesit të konferencës së donatorëve, ndërkohë që po vijnë.

Politikanë të pashpresë, ushtarë të dëshpëruar, njerëz të trembur në palcë nga efektet që sapo kanë filluar të reformës në drejtësi. Të gatshëm të përdorin një fatkeqësi apo pandemi për ankth, panik e rrëmujë.

Gjatë një viti në Shqipëri është zhvilluar dhe po zhvillohet edhe një betejë me panikun që duan të përhapin kasandrat e opozitës. Basha, i vetmi shqiptar që u zgjua me dy vila pas tërmetit, flet me lotë krokodili në kur shkon çadra. Kurse me pandeminë kasandrat kanë shkuar në makabritet. Qoftë duke folur për numrat në morgje, qoftë me konferencat nga divanet në FB.

Kundërshtojnë thirrjen për të mos qëndruar në shtëpi, për të vendosur maskën etj. Vetë asgjesimi i çdo norme morale nga opozita, degradoi në akuzat për fshehjen e vdekjeve dhe pasojave të pandemisë, qoftë në maj.

Basha s’ka pasur as pikë turpi, as nder, as respekt. Qoftë për tërmetin apo pandeminë. Të bësh politikë me vdekjen, e të sulmosh mjekët është një turp që nuk harrohet për sojin e tij.

Uroj Kuvendin që ka miratuar ë buxhet mbi 200 milionë dollarë për Rindërtimin në 2021. Jemi në prag të përfundimit të disa prej tyre. Nga sot deri në 31 nëntor, nga FMN përmbyllen 16 shkolla, ndërkohë që janë përmbyllur 12. Jo vetëm projektet e filluara në fshat të mbyllen brenda afatit, por dhe gjithë kantieret përbmyllin punën.

Rama po përmbyll një nga marrëveshjet më të mëdha të Rindërtimit, që në kushte e kohë të vështira duhen njerëz të fortë, që dinë të drejtojnë. Shqipëria e ka ekipin, me në krye Ramën. Do i qëndrojmë angazhimit tonë, faleminderit.”- tha Balla.