"Komisioni i Vlerësimeve në PD, e gjitha një farsë!" Rama sulmon Bashën: E kthyen përzgjedhjen në një proces për "të vrarë" djalin e Fariut

Kreu i Partisë Socialiste Edi Rama ka sulmuar ashpër opozitën gjatë një takimi elektoral në Fier.

Rama tha se njerëzit duhet të kenë besim tek platforma “Deputeti që Duam” sepse është transparente, ndryshe nga “PD-ja që ngeh një Komitet Vlerësimi, i cili u kthye e gjitha në farsë për të “eliminuar” djalin e Fariut”.

Kreu i qeverisë, u është kundërpërgjigjur akuzave të Bashës se “se fshihet pas Komitetetit të Ekspertëve për pandeminë”, duke thënë se është “Luli ai që fshihet pas Komitetit të Vlerësimit për të eliminuar disa elementë në PD”.

“Kush e ndjen që e ka vullnetin, kurajon, vendosmërinë, durimin për të bërë këtë punë është i mirëpritur ta shprehë interesin e vet përmes kësaj platforme. Pa asnjë diskutim që do jemi në lartësinë e PS ka qenë një forcë që i ka hapur pavarësisht vështirësive të natyrës, pavarësisht të tjerëve, i ka hapur dyert.

Këtu në këtë shesh janë shumë ata që i përkasin një gjenerate më të re. PS qysh në ditën e parë të krijimit të saj ka qenë pikë e fortë graviteti për qytetarët që duan të shohin një vend më të mirë në Shqipëri, një vend më të mirë.

Nga ana tjetër ne kemi nevojë që të harmonizojmë gjeneratata , eksperiencat, energjitë, përvojën e atyre që prej kohësh janë ta angazhuar në këtë front, në vijën e parë të betejës, edhe të atyre që kanë talentin për t’u angazhuar.

Kur ne themi që jemi të hapur, duam të ndërtojmë një skuadër më harmonizuar, jo vetëm mosha të reja, por edhe burra e gra që kanë pasion e forcë shpirtërore, ide të reja për ne”, tha Rama për të vijuar më tej me akuzat ndaj PD-së dhe Bashës për farsitet të Komisionit të Vlerësimit.

“Ne nuk kemi nevojë të bëjmë farsa siç bëjnë kundërshtarët tanë politik Partia Demokratike. Ngrenë Komitete Vlerësuese për duke nënçmuar të gjithë familjen politike dhe duke vënë ca kuota që e kthyen të gjithë procesin në një farsë. E kthyen gjithë situatën në një proces për të vrarë djalin e Fariut.

Dhe kur vjen puna tek administrimi i kësaj situate(pandemisë), na akuzojnë ne se fshihemi pas Komitetit Teknik.

Unë e kuptoj Lulin, pasi ai ndërton komitetet për tu fshehur dhe përdor deri në një ish president apo edhe ish-rreshter për të nxjerrë patllaken dhe eleminuar djalin e Fariut.

Ne nuk jemi fare me këtë botë me ta. Ne jemi në një botë tjetër që është bota e Shqipërisë reale. është bota e problemeve dhe halleve.

Ua them me shumë përgjegjësi dhe keqardhje që nuk ndodh askund rreth errotull nesh por edhe përtej, që të gjendet një opozitë që nuk gjen dot forcën e brendshme dhe arsyet për t’u bashkuar në mënyre konstruktive dhe njerëzore me shumicën e njerëzve që kanë hallë dhe nevojë. dhe sic thotë populli edhe nëse nuk e zgjidh dot hallin qaja.

Dhe opozita në këtë rast është për të qarë hallin, sepse ne jemi këtu për ta zgjidhur siç edhe po bëjmë deri diku.

Por opozita e ka mendjen të bëjë politikë me hallin, duke përdorur disa mekanizma që janë fare të ulët të historisë njerëzore, duke përdorur shpifje dhe gënjeshtra”, shprehet Rama.