Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Kongresi i 29 janarit/ Ndryshimet në statut shkaktojnë pakënaqësi në radhët e PS, Balla dhe Ahmetaj dalin kundër

Politiko 19 Janar 2022, 19:40

Kongresi i 29 janarit/ Ndryshimet në statut shkaktojnë

Në datë 29 Janar do të mbahet kongresi i PS, ku pritet të miratohen një sërë ndryshimesh që lidhen me statutin dhe organizmin e kësaj force politike.

Rishikimi i statutit pritet të mos prekë sërish çështjen e zgjedhjeve për kryetar, duke lënë në fuqi parashikimet aktuale, se ai nuk votëbesohet nga anëtarësia, nëse është votëbesuar për të qenë kryeministër.

Statuti ka pësuar një seri ndryshimesh të karakterit organizativ, duke futur për herë të parë edhe një funksion të ri, atë të sekretariatit ekzekutiv në nivel bashkie. 

Të 61 sekretarët ekzekutiv, do të raportojnë tek sekretari i përgjithshëm dhe kryetari i partisë së bashkisë dhe do të jenë punonjës me kohë të plotë.

Burimet i thanë MCN se vendosja e këtij funksioni, synon forcimin e partisë përpara procese elektorale.

Sipas përcaktimeve në statut, ky sekretar përgjigjet për administrimin e përditshëm të aktivitetit të partisë, dokumentacionin dhe burimet materiale.

Pikërisht kjo risi në statut, e cila forcon pozitën e sekretarit të përgjithshëm, i cili do të ketë 61 sekretarë në varësi për të monitoruar punën çdo ditë partinë, ka sjellë pakënaqësi ndër radhët e socialistëve, të cilët janë përfshirë në debate ne mbledhjen e fundit të kryesisë së PS, të drejtuar nga kryesocialisti Edi Rama.

Mësohet se kryetari i grupit parlamentar të PS, Taulant Balla dhe zv.kryeministri Arben Ahmetaj, e kanë cilësuar të panevojshëm krijimin e kësaj strukture. Burimet thanë se ata kanë argumentuar se me këtë ndryshim, bie roli i kryetarit të partisë në qark.

Nga ana e tij, Gjiknuri mësohet të ketë mbështetur këtë risi duke vlerësuar si të nevojshëm që partia të ketë një operator në çdo bashki.

Kryetari i PS, nuk ka kundërshtuar këtë pikë të statutit, gjatë mbledhjes së kryesisë. Damian Gjiknuri njoftoi se drafti final është gati dhe pritet të marrë miratimin e delegatëve ne Kongres.

 

Të fundit