Konstituohet organi këshillimor pranë Ministrisë së Arsimit, Kushi: Eksperienca e tyre do ndihmojë në avancimin e Paktit për Universitetin

Konstituohet Këshilli i Arsimit të Lartë dhe Kërkimit Shkencor, KALKSH.

Lajmin e ka bërë me dije ministrja e Arsimit, Evis Kushi, e cila përmes një postimi në rrjetet sociale shprehet se “organi i ri do të kontribuojë në avancimin e e një sërë reformash dhe procesesh për avancimin e mëtejshëm të Paktit për Universitetin”.

“Së bashku me personalitete të njohura të botës akademike që kontribuojnë në Shqipëri por edhe në institucione prestigjioze europiane, konstituuam Këshillin e Arsimit të Lartë dhe Kërkimit Shkencor (KALKSH). 

Jam e lumtur për konkretizimin e këtij hapi, ???? pasi #KALKSH do të jetë pa diskutim një organ këshillimor shumë i rëndësishëm pranë Ministrisë së Arsimit, Sportit dhe Rinisë në lidhje me politikat e arsimit të lartë dhe kërkimit shkencor.

Shpreh bindjen se me ekspertizën dhe eksperiencën e tyre të vyer, do të çojmë akoma më përpara një sërë reformash dhe procesesh me #rëndësi, si dhe do të ndihmojmë në avancimin e mëtejshëm të #PaktitPërUniversitetin”, shkruan Kushi.

KALKSH kryesohet nga ministri i arsimit dhe ka në përbërje 12 anëtarë, të cilët janë personalitete të njohura të fushave akademike. Ky organ këshillimor shqyrton dhe këshillon ministrin lidhur me hartimin e strategjive e të programeve kombëtare për arsimin e lartë e kërkimin shkencor, drejtimet e politikave respektive dhe përgatitjen e akteve ligjore e nënligjore; fushat parësore dhe programet e kërkimit shkencor e të zhvillimit teknologjik; zhvillimin e politikave të veçanta dhe mënyrat e financimit të tyre etj.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm