Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Rama-Perëndimit: A është Gjykata e Hagës në dorën e Putin? S’jam pishman për tradhtinë me Serbinë

Politiko 20 Qershor 2022, 19:21

Rama-Perëndimit: A është Gjykata e Hagës në dorën

Kryeministri Edi Rama ka ngritur pikëpyetje mbi çështjen e ish-presidentit Hashim Thaçi, i cili ndodhet në Hagë i akuzuar për krime lufte.

Rama tha për mediat se Perëndimi duhet të reflektojë ndaj Gjykatës së Hagës për të parë nëse fshihet apo pas saj dora e presidentit rus Vladimir Putin dhe e Moskës.

“Për të vazhduara te një element tjetër që është shumë i vlefshëm për ne për të kuptuar edhe gjyqin e Hashim Thaçi dhe udhëheqësve të tjerë që në këndvështrimin tonë shumë personal është një arsye shumë e fortë për Perëndimin që të ndalet dhe të reflektojë për çfarë ka bërë me atë gjykatë dhe a është ajo gjykatë nën dorën e Putinit dhe të Moskës?”, tha kryeministri.

Rama u ndal edhe te rreziku i luftës që i kanoset Ballkanit Perëndimor, ku ndër të tjera Serbia është lakuar si aleati i mundshëm i Putin në rajon. Kryeministri tha se sa më shuam të zgjasë lufta në Ukrainë, aq më e rrezikuar është si Kosova edhe Shqipëria.

Nga ana tjetër, Rama foli edhe për pozicionin e Serbisë, që sipas tij ndodhet mes dy zjarreve: presionit të Rusisë dhe atij të Perëndimit. Rama tha se Serbia nuk mund të hidhet në flakët e Rusisë, ndërsa shtoi se nëse Kosovën e detyrojnë të hyjë në luftë, e njëjta do të ndodhë edhe me Shqipërinë.

“Qëllimi nuk është të godasë demokracitë liberale në Ballkan, por mendoj që pozicioni ynë, edhe i Shqipërisë edhe i Kosovës, është korrekt. Por na vlen si reflektim dhe në fund ka një pjesë që na vlen shumë që krahas luftës në Ukrainë Rusia kërkon të zhvendosë në Ballkan valën e dytë të përplasjes me perëndimin për të destabilizuar rajonin dhe mes oborrit të pasëm edhe BE-në. Sa më shumë të zgjasë lufta në Ukrainë, Shqipëria dhe Kosova do jenë caqe të luftës hibride Ruse.

Nuk kemi asnjë interes të radikalizohet Serbia dhe duhet të bëjmë çmos që në situatën kur është mes dy zjarreve, presioni i madh i Rusisë që lidhet me mundësinë për të shtrënguar se e furnizon me shumë gjëra dhe presionit të madh të perëndimit që Serbia e nden shumë, të shtyjmë sa më shumë në drejtimin e një kuptimi të drejtë të asaj që duhet të presim nga Serbia.

Kush pret nga ajo të hidhet në flakë për Perëndimin nuk e kupton çfarë vijne nga kjo. Nuk mund të hidhet se nuk ka mundësi ta bëjë duke qenë e përbërë nga një popull me shumicë që mendon se Putini ka të drejtë. Por besoj se është e qartë që Serbia mund të qendrojë në një distancë nga Rusia që flaka e luftës të mos vijë këtu.

Në këtë pikë mund të bëjmë tonën. Ky është edhe thelbi i tradhtisë time për të cilën nuk jam pishman. Mendoj që ne kemi vuajtur boll, e kam fjalën jo unë se në radhë të parë në Kosovë kanë vuajtur mjaftueshëm dhe nuk ka nevojë më të shkojë atje veç nëse e detyrojnë, e nëse detyrojnë Kosovën, na detyrojë edhe në Shqipërinë”, tha Rama.