Flash News

Korçë/ 40-vjeçari hidhet nga ballkoni i katit të pestë, në gjendje kritike

Kroacia rikthen shërbimin e detyrueshëm ushtarak

Ndërtimet pa leje në Theth, Manja kërkon procedim disiplinor për prokuroren Elsa Gjeli

Detaje nga vrasja e Renis Dobrës, autorët erdhën me 2 makina Range Rover nga Rrësheni

Gjykata e Lartë e la në burg, Meta i drejtohet 'Kushtetueses'

Ditari i Maxhorancës

Kriza me krahun e punës, Rama do të sjellë punëtorë nga Filipinet për të zëvendësuar të rinjtë e larguar

Politiko 14 Maj 2024, 09:00

Kriza me krahun e punës, Rama do të sjellë punëtorë nga

Në përpjekje për të kompensuar krahun e punës që i mungon sot bizneseve në Shqipëri, qeveria ka nisur negociatat me Filipinet për të sjellë punëtorë të huaj.

Largimi masiv i të rinjve i ka vendosur bizneset përballë vështirësive duke detyruar shumicën prej tyre, të shpallin falimentin dhe të mbyllen. Kryeministri Edi Rama në një intervistë për Blendi Fevziun në “Opinion”, pohoi se aktualisht janë duke bërë negociata me Filipinet.

Teksa foli për planin, Rama tha se kanë një popull të madh që ka shumë krah pune dhe se pjesa më e madhe e shteteve, e kanë në listë si kandidate.

"800 Euro merr një kamarier në Radhimë e fle tek prindërit e nuk ka nevojë të paguajë. Ka plot shqiptarë që janë kthyer dhe janë prova që kjo funksionon dhe jemi në një cikël që do të fillojë duke u zbutur, e tregon koha. Në gjithë atë furi zhurme e rrëmuje, shumë gjëra nuk besohen. Ku ka rrogë 200 mijë Lekë në Shqipëri? Shqipëria ka një klimë skandaloze mediatike që ta hapësh, gjatë gjithë kohë zi, zi, zi…

Çdo shqiptar që ikën, është një krah pune që ikën, ndërkohë që ne duam më shumë krahë pune. Por nga ana tjetër, sot bizneset në Shqipëri i kanë të gjithë kapacitetet të marrin punëtorë të huaj dhe fillon dhe bëhet një lloj balancimi i një niveli të caktuar punëtorësh të huaj që deri dje për shembull, punëtorët e Banglaeshit tani as nuk shkojnë t’i kërkojnë, kërkojnë punëtorë më të kualifikuar. 

Sot që flasim, ne po bëjmë një negociatë me Filipinet. Tani të të jap një shembull: Filipinet kanë shumë popull dhe shumë krahë pune dhe e përdorin këtë. Po të shikosh radhën e vendeve që nga Austria e vende të tjera plot, 38 vende janë në radhë për të nënshkruar marrëveshje me Filipinet që të marrin krahë pune. Kjo është një situatë e përgjithshme. Ne deri pak vjetësh ishim një vend që ishte çfarë të ju them”, deklaroi Rama.

Mungesa e krahut të punës vjen pas emigrimit masiv të të rinjve. Në 10 vitet e fundit vendit po ikin gjithnjë e më shumë të rinj të cilët kanë zgjedhur rrugën e emigrimit për të siguruar një jetesë dhe të ardhme më të mirë larg Shqipërisë", deklaroi Rama.

Të fundit