Flash News

Demokratët fitojnë bindshëm Kavajën

Blinin vota për PSD, në pranga një person, shpallet në kërkim kryeplaku i fshatit në Kukës

Përmbysja e rezultatit në Lezhë, PD-ASHM siguron 4 deputetë

Rezultati/ PS fiton për herë të parë në Paskuqan

Numërohen mbi 93% e kutive të votimit, si paraqitet rezultati i në QV? Vijon edhe numërimi për diasporën

Ditari i Maxhorancës

“Kush e shpiku grabitjen e parave nga inceneratorët”, Rama thumbon PD-në: Tymnajë e vulëhumburve

Politiko 18 Shkurt 2022, 10:27

“Kush e shpiku grabitjen e parave nga inceneratorët”, Rama

Kryeministri Edi Rama ka replikuar në Facebook me komentuesit lidhur me aferën prej 430 milionë euro të tre inceneratorëve në Fier, Elbasan dhe Tiranë.

Komentuesit e pyesin Ramën se “kush e shpiku këtë mënyrë të vjedhjes së parave në Shqipëri përmes inceneratorëve”, ndërsa kryeministri preferon më mirë ta anashkalojë përgjigjen direkte duke i rikujtuar arrestimin e ish-ministrit Lefter Koka.

Njëherazi, Rama e quan gjithçka një tymnajë dhe ‘kunjat’ i hedh mbi demokratët të cilët i quan “vulëhumbur politikë”.

Komentuesi: O njisho shif mor burrë se po ikin paratë tona po zhduken pa lon gjurmë nëpër këto të ashtuquajtura incineratorë …kush e shpiku në Shqipëri këtë mënyre grabitje të parave tona …a e di ku është çudia me ju zoti kryeminister se ju njihni edhe hajdutin e xhepave dhe nuk njihni skemën e vjedhjes me këtë stil mafioz

Rama: Ato të “ashtuquajtura inceneratorë” janë impiante moderne trajtimi të mbetjeve, të cilat janë investime të mëdha për të shpëtuar zona të tëra të banuara nga plehrat, ndërkohë që këtu s’ka asnjë shpikje për të grabitur paratë e tua, po ka një shpifësirë politike shifrash marramendëse e akuzat monstruoze, ndërkohe që gangrenat mjedisore të plehrave si puna e Sharrës janë mbyllur dhe retë toksike të tymit nga djegia e tyre në natyrë janë zhdukur!

Është arrestuar një ish-ministër me akuzën për marrje parash nga kompania dhe për këtë drejtësia do të thotë fjalën e saj patjetër, por kjo është çështje përgjegjësie individuale para ligjit! Kurse të thuash që na qenkan vjedhur qindra miliona euro, kur veprat janë aty e kur puna e bërë është para syve, e kur ato qindra miliona euro nuk janë hiç asfare as ashtu e as aq sa thuhen, kjo është një tymnajë të cilën faktet reale dhe procesi i nisur nga organet reale hetimore, përtej farsës së shpifur të vulëhumburve politikë, do ta tresin njësoj si tymnajat e plehrave të Sharrës

Komentuesi: Dmth ju thoni le të vjedhin sa të duan rëndsi ka që godinat janë.

Rama: Jo unë nuk them fare ashtu, përkundrazi, unë them cilido që vjedh duhet të marrë dënimin e merituar, pa asnjë dallim, por përgjegjësia në këtë sistem që kemi zgjedhur, dmth në demokraci, është individuale e para dhe e dyta, nëse dikush në këtë rast ka marrë para nga kompania përkatëse, kjo as nuk hedh poshtë tërë atë punë që është bërë nga institucionet për të shëruar plagët e tmerrshme mjedisore, as nuk i bën të gjithë njësoj

“Kush e shpiku grabitjen e parave nga inceneratorët”, Rama