Flash News

Lirimi i Salianjit/ Berisha: U dënua politikisht nga Rama dhe Xhafa!

Plagosje me thikë në bulevardin e Peshkopisë

Salianji reagon për herë të parë pas lirimit: Do jem në konferencë në orën 17:00

Shtyhet seanca gjyqësore për "Plumbin e Artë", dy avokatë tërhiqen nga procesi

Gjykata e Fierit vendos lirimin me kusht të Ervin Salianjit

Ditari i Maxhorancës

Lojërat olimpike, Rama i dorëzon flamurin ekipit shqiptar: Rëndësi ka pjesëmarrja, pas Tokios program për sportin

Politiko 14 Korrik 2021, 21:03

Lojërat olimpike, Rama i dorëzon flamurin ekipit shqiptar:

Kryeministri Edi Rama i ka dorëzuar flamurin ekipit shqiptar që do të përfaqësojë Shqipërinë në Lojërat Olimpike në Japoni.

Gjatë fjalës së tij nga Pallati i Brigadave, Rama tha se misioni i Komitetit Olimpik ka sipas tij si mision qëndrimi te sportistët elitarë, ndërsa shtoi se më shumë se rezultati, rëndësi ka pjesëmarrja.

“Është një emocion shumë i veçantë për pjesëmarrësit në Olimpiadë. Sikur ka thënë edhe krijuesi i Lojërave Olimpike, më e rëndësishme është që të marrësh pjesë. Shumë suksese, uroj që t’ja dilni.

Misioni i komitetit olimpik është që edhe të qëndrojë pranë sportistëve elitare, të përgatisë misionet sportive në aktivitete të mëdha, por misioni themelor i komitetit është krijimi i lëvizjes olimpike.

Nuk mund të ketë lëvizje olimpike pa një ndërthurje mes qeverisë, bashkive dhe komitetit olimpik, me fëmijët, gjimnazet dhe universitet., ne jemi të motivuar që ti japim një shtytje të re lëvizjeve në shkolla, që është në një fazë embrionale, pas ndërprerjeve për dekada, por njëkohësisht mendojmë që janë krijuar kushtet që kjo lëvizje të hyjë në një fazë të re dhe të fillojë një lëvizje e organizuar që sidoqoftë, përtej përpjekjeve që mund të bëjë qeveria apo ministria e arsimit, varet nga Komiteti olimpik”.

Kryeministri foli edhe për projektet që ka për sportin në mandatin e tretë.

“Pas misionit në Tokoi në do të ulemi bashkë me komitetin për të hartuar një program të përbashkët për të shpjeguar programin tonë të ri në mandatin e tretë që lidhet me sportin dhe sidomos sporti për fëmijët.

Për të dëgjuar nga të gjithë njerëzit në komitet apo drejtuesit e federatave dhe për të nisur një rrugëtim që në 4 vitet e ardhshme ta ngremë lëvizjen olimpike shqiptare në një nivel më të qëndrueshëm dhe ta nxjerrim nga kjo fazë embrionale”, tha Rama.

Të fundit