Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Manastirliu komenton skandalin tek Covid-2; Flet për variantet e reja: Presim të vijë një kit i posaçëm nga Turqia

Politiko 9 Shkurt 2021, 13:07

Manastirliu komenton skandalin tek Covid-2; Flet për variantet e reja:

Pas kryeministrit Rama, edhe ministrja e Shëndetësisë, Ogerta Manastirliu komentoi valën e arrestimeve tek ‘’Shefqet Ndroqi’’ pas zbulimit të skandalit me sanitaren Tire Alldervishi.

Manastirliu në një apel për mediat dhe qytetarët ka kërkuar bashkëpunim në mënyrë që të denoncohet çdo skandal për t’u goditur.

”Në fakt, do doja para se t’i përgjigjesha pyetjes suaj. Kam diçka në lidhje me rastin që u denoncua nga emisioni "STOP", nga një qytetare që ka humbur nënën e saj.

Dua që të përsëris falënderimin tim për gazetarët, mbi të gjitha për vajzën që denoncoi. Përsëris thirrjen, denonconi, denonconi në media apo në Drejtorinë e Spitaleve, apo në MSH. Denonconi dhe na ndihmoni të largojmë çdo çiban nga sistemi", tha Manastirliu.

Ministrja gjithashtu iu përgjigj pyetjeve të gazetarëve lidhur me menaxhimin e varianteteve të reja, teksa tha se ditën e nesërme pritet të vijë një kit i posaçëm nga Turqia për të bërë identifikimin e tyre.

"Kemi dyshime. Po presim analizat. Pjesë e strategjisë tonë është e gjithë administrimi dhe menaxhimi i pandemisë, jo vetëm me variantet e reja. Ato janë duke u studiuar. Vlerësohet se variantet rrisin transmetueshmërinë, ai i Afrikës së Jugut rëndon dhe sëmndshmërinë, ne nuk mundemi dot ta pohojmë zyrtarisht këtë gjë, pa pasur rezultatet e laboratorëve. Nëser pritet të vijë një kit i posaçëm për të bërë identifikimin e varianteve të reja. Po bashkëpunojmë me Turqinë për të trajnuar dhe stafin tonë. Është pjesë e strategjisë tonë", shtoi ministrja.

Manastirliu, tha gjithashtu se në buxhetin e vitit 2021 janë alokuar për sistemin shëndetësor 62.9 miliardë lekë.

Sipas saj, pjesë e kësaj shume janë edhe rritja historike e pagave të mjekëve dhe infermierëve, ndërsa shtoi se përpos rritjes së pagave, janë dedikuar 10 milionë euro si mbështetje përmes bonuseve për më shumë se 4 mijë punonjës.

“Buxheti në vitin 2021 është 62.9 miliardë lekë të dedikuara për sistemin shëndetësor, duke filluar nga rritja historike e pagave për mjekët dhe infermierët. Pagat janë rritur me 57%. Sot një infermier merr 650 dollarë, pagë bruto, ndërsa paga bruto e një mjeku është 1100 dollarë. Kjo rritje mbështet personelin mjekësor. Përpos rritjes së pagave, për stafet e dedikuara në spitalet tona, për mirëadministrimin e të gjitha shërbimeve, kemi dedikuar 10 milionë euro për të mbështetur përmes bonuseve 1 mijë euro dhe 500 euro për më shumë se 4 mijë punonjës të shëndetësisë. Një tjetër arritje e madhe është punësimi me meritë”, tha Manastirliu.