Flash News

Ditari i Maxhorancës

Komiteti Teknik i Ekspertëve: Nuk ka ndryshim të masave anti-covid, fluturimet me Britaninë e Madhe të pezulluara deri në 1 shkurt

Komiteti Teknik i Ekspertëve: Nuk ka ndryshim të masave anti-covid,

Komiteti Teknik i Ekspertëve ka vendosur që masat anti-covid të vijojnë të mbeten në fuqi në vendin tonë.

Ky vendim u komunikua nga Ministrja e Shëndetësisë, Ogerta Manastirliu. Ajo tha se situata nuk është alarmante, por në dy javët e fundit është evidentuar një rritje e incidentës, ka rritje të rasteve ne bashki, apo rastet e pacientëve në terapi intensive.

Po ashtu, ministrja njoftoi se edhe fluturimet me Britaninë e Madhe do të vijojnë të mbeten të pezulluara deri në 1 shkurt.

"Është rritur incidenca dy javore, 217 rasate të reja për 100 mijë banorë 2-15 janar. Ka rritje e numrit të rasteve në bashki. Po ballafaqohemi me rritje të qëndrueshme të rasteve të pacientëve në spitalet Covid.Situata nuk eshte alarmante, por është duhet të tregojmë rritje të vigjilencës.

Rastet e pacientëve në terapi intensive janë rritur. Nga vlerësimi i ekspertëve duke vlerësuar survejancës, të pozitivitetit në raport me testimet e kryera, ka rritje e qëndrueshme e pozitivitetit. Kjo vjen edhe nga festat e fundvitit dhe grumbullimet.

Do vijojmë të kemi masat që tashmë kanë dhënë impakt dhe efekt. Komiteti Teknik i Ekspertëve ka marrë vendim që të vijojnë masat e kufizimit nga ora 22.00 deri në 06.00 të mëngjesit, mbetet ne fuqi kufizimi për pezullimin e bareve dhe restoranteve në këtë fashe, me përjashtimin e sherbimit në banesë.

Vendimi tjetër është mbi mësimin në universitet, do jetë online deri në një urdhër të dytë.

Meqë data 18 ishte e fundit që do vlerësonte fluturimet me Britaninë e madhe. Pas informacioneve të shtuara në lidhje me variantin e ri që ka sjell rritje të infeksioneve, komiteti vlerëson se fluturimet do mbeten të pezulluara deri më 1 shkurt e më pas do ketë një rivlerësim të dytë", tha ministrja. 

 

Ditari politik

Të fundit