Manastirliu thirrje nga Kuvendi: Shtretër ka! Mos ejani vonë në spitale

Ministrja e Shëndetësisë, Ogerta Manastirliu ka mbajtur nga Kuvendi fjalën e saj në lidhje me tërmetin e para një viti dhe bëri gjitashtu edhe një përmbledhje të punës së deritanishme me Covid-19.

Teksa ka deklaruar se do të kishte dashur të dilte në Kuvend në një kohë paqeje, ministrja i ka bërë thirrje qytetarëve të mos vonojnë për të shkuar në spital dhe dhë të mos dëgjojnë ata që thonë se nuk shtretër.

Ndër të tjera ajo tha se qeveria ka  shpenzuar 25 milionë euro vetëm për kapacitet e laboratorit.

"Sot do kisha dashur të dilja përpara jush si ministrja e shëndetësisë në kohë paqeje, për të diskutuar për ligjet e reja dhe reformat në drejtësi dhe të gjithë investimet që edhe pse në një kohë pandemie si kemi lënë mangut, sot kam  përgjegjësinë ligjore tu bëj me dije gjithë punën dhe situatën e COVID.

25 milion euro u vunë në dispozicion për kapacitetet e laboratorit.  Kemi siguruar 4 laboratë publikë që kryer testimet, rritëm 5 herë testimet krahasuar me qershorin. Kemi gjurmuar dhe hetuar grupet më të riskuara. Jemi të vetëdijshëm se gjithmonë ka vend për investim.

Bazuar në planin tonë të vjeshtë dimrit siguruam vaksinimin e gripit. Testimet e shpejta brenda dhjetorit. 250 shtretër i janë shtuar kapaciteteve për vjeshtë dimrin, spitalet rajonale janë parapërhgatitur për vjeshtë dimrin.

Nuk mund të hedh poshtë përpjekjën e mijëra profesionstëve tani që po punojmë natë e ditë për të  siguruar sistemin shëndetësor. Kush mendon se e kemi pasur më parë 127  gabon rëndë, është ndërtuar vetëm falë vizionit të kryeministrit Rama dhe punës së kolegut Beqaj.

Asnjë qytetar deri më sot nuk ka ngelur pa shërbim spitalor, jemi të vetëdijshmë që ka vend për përmirësim.  Mos ejani vonë në spitale, mos dëgjoni ata që thonë që nuk ka shtretër, e bëjnë për pushtetin e tyre", tha Manastirliu.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm