Flash News

Evazioni fiskal i ‘Bankers’, lihet në burg CEO kinez dhe ish-drejtori

Përplasen dy makina në aksin Sarandë-Delvinë, 4 të plagosur

Alarm për bombë, Policia largon deputetët dhe mediat nga ndërtesa e Kuvendit të Kosovës

“Vullneti i popullit” dhe ironia e dorëheqjeve të komanduar

Përfundon pa ndryshime rinumërimi i votave në Durrës

Ditari i Maxhorancës

Manastirliu thirrje qytetarëve: Ndërgjegjësoni komshinjtë dhe farefisin, keni përgjegjësi për vaksinimin

Politiko 21 Korrik 2021, 14:13

Manastirliu thirrje qytetarëve: Ndërgjegjësoni komshinjtë

Ministrja e Shëndetësisë, Ogerta Manastirliu ka qenë sot në Sukth të Durrësit, ku ka ndjekur nga afër procesin e vaksinimit anticovid.

Duke qenë se gjatë kësaj jave mund ta kryejnë vaksinën të gjithë personat +18 vjeç, Manastirliu iu ka bërë thirrje qytetarë që të ndërgjegjësojnë edhe fqinjët, miqtë, farefisin dhe fëmijët për ta bërë vaksinën. Ministrja tha se vaksina të mbron shumë nga varianti "Delta". 

Manastirliu tha se vaksinimi nuk është vetëm përgjegjësi e strukturave por e çdo qytetari duke shtuar se deri tani në vendin tonë 470 mijë qytetarë kanë marrë të dyja dozat e vaksinës.

"Sa më shumë ndërgjegjësim edhe tek komshinjtë, edhe tek miqtë, tek farefisi, te fëmijët gjithashtu. Se në këtë javë jemi +18 vjeç të gjithë mund ta bëjnë vaksinën. Edhe i paraprijmë edhe varianteve të reja të cilët qarkullojnë më shpejt, mirëpo vaksina të mbron shumë.

Durrësi është një nga qytetet që ne duhet të fokusohemi shumë për të rritur mbulesën vaksinave. Gjithashtu edhe Tirana është një bashki, e cila duke patur një numër shumë të lartë të banorëve rezident. Synimi është të alternojmë vaksinimin përmes njësive të lëvizshme. Ka më shumë akses edhe te qytetarët që nuk kanë arritur ende të vaksinohen. Kjo javë që është e java e hapur krijon mundësinë të rrisim mbulesën vaksinale. Me alertin e Deltas është moment i mirë për ndërgjegjësim dhe për ne që të mbrojmë së pari shëndetin tonë dhe të familjarëve. Nuk është vetëm përgjegjësi e strukturave por e çdo qytetari. Vaksinim, vaksinim janë fjalët kyçe. Varianti Delta e ka rritur transmetueshmërinë.

Dhe në vendin tonë kemi një rritje të rasteve që sjell edhe rritje të hospitalizimeve. Është e rëndësishme të vijojmë me ritëm të lartë procesin e vaksinimi. Më shumë se 470 mijë qytetarë janë vaksinuar me të dyja dozat. Kemi vaksina për të gjithë popullatën. Mjekët e familjes janë duke bërë një punë shumë të mirë për të lajmëruar qytetarët. Fokusi ynë do të jetë në këto qytete ku mbulesa vaksinale nuk është shumë e lartë. Mos e lini për nesër vaksinimin. Pa asnjë hezitim për të vajtur derë më derë te çdo qytetar”, u shpreh ministrja. 

Të fundit