Flash News

U kërcënua me kallëzim nga Rama, prokurorja e Shkodrës letër KLP-së: Reagoni për sulmet politike

Korçë/ 40-vjeçari hidhet nga ballkoni i katit të pestë, në gjendje kritike

Kroacia rikthen shërbimin e detyrueshëm ushtarak

Ndërtimet pa leje në Theth, Manja kërkon procedim disiplinor për prokuroren Elsa Gjeli

Detaje nga vrasja e Renis Dobrës, autorët erdhën me 2 makina Range Rover nga Rrësheni

Ditari i Maxhorancës

"Mbyllen apo jo shkollat, përgjegjësi e autoriteteve", Rama: Institucionet arsimore nuk janë vatër e nxehtë! Respektoni masat që të shmangim izolimin

Politiko 24 Nëntor 2020, 11:25
"Mbyllen apo jo shkollat, përgjegjësi e autoriteteve", Rama:
Në foto: Kryeministri Edi Rama

Kryeministri Rama ka dalë në një konferencë për shtyp së bashku me Ministren e Arsimit, Evis Kushi, për të sqaruar nëse do të kemi ose jo një mbyllje të shkollave në këtë për shkak të valës së dytë të pandemisë.

“Mbyllen apo jo shkollat është përgjegjësi e autoriteteve”, ka thënë kryeministri, duke apeluar respektimin e masave që të mos kalojmë në një mbyllje të dytë.

Ndryshe nga sa u raportua në fillim të shtatorit, ku ekzistonte frika se fëmijët mund të bëheshin përhapës simptomatik të COVID-19, Rama ka hedhur poshtë këto pretendime të Komitetit të Ekspertëve, ndërsa shton se: “Të dhënat dhe orientimet e të gjitha autoriteteve shkencore shëndetësore të vendeve që ne ndjekim me vëmendje, shkollat nuk konsiderohen si një vatër e nxehtë, por si një hapsirë që kanë potencialin e tyre të rrezikut”.

“Kemi të gjithë mundësi të shmangim kalimin e spitaleve në mbingarkesë, dhe qoftë mbylljen e përgjithshme. Është absolutisht e domosdoshme që secili prej nesh të vetëditësohet në radhë të parë për të mbrojtur shëndetin e vetë.

Duke bërë këtë jep nje kontribut të njashtëzakonshëm në ndihmën e luftës së përditshme dhe të përnatshme në vijën e zjarrit ku trajtohen pacientët e infektuar rëndë, por edhe shmangin një mbyllje tjetër.

Ka një zë të përsëritur për mbylljen e shkollave në rrjetet sociale dhe mediat online dhe dua të ritheksoj edhe njëherë. Se çfarë hapet dhe çfarë mbyllet kjo është përgjegjësi e të gjitha autoriteteve tona ligjore.

Sipas të gjitha të dhënave dhe orientimeve të të gjithë autoriteteve shkencore shëndetësore të vendeve që ne ndjekim me vëmendje, shkollat nuk konsiderohen si një vatër e nxehtë, por si një hapsirë që kanë potencialin e tyre të rrezikut.

Kjo do të thotë që është e rëndësishme zbatimi i masave në cdo shkollë, sic po ndodh. Kjo dmth që personeli drejtuese dhe pedagogjik të jetë sa më këmbëngulës në zbatimin e masave.

Nga konsultat që kam bërë me Komitetin Teknik të Ekspertëve, unë si i interesuar në këtë çështje, domosdoshmëria e shëndetit psikologjik dhe fizik të fëmijëve në këtë perjudhë pandemie po ndiqet nga afër.

Kjo është një vendimmarrje që i takon autoriteteve tona, as mua dhe të gjithëve ne. Nuk i takon askujt që ndoshta edhe nga paniku apo dëshira për të folur edhe kur nuk kemi çfarë të themi të  japim këshilla të tilla”, tha Rama.

Të fundit