Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

"Mbyllet Kadastra", Rama tregon se si do t'i marrin shërbimet qytetarët

Politiko 10 Dhjetor 2021, 13:07

"Mbyllet Kadastra", Rama tregon se si do t'i marrin

Kryeministri Edi Rama ishte sot në Shkodër, ku bëri një prezantim të ligjit për Bashkëqeverisjen. Ai u shpreh se përmes këtij ligji synohet t'i jepet fund radhës në sportele dhe që të gjitha shërbimet për qytetarët, të kalojnë online.

Rama mori shembullin e Kadastrës, institucion që sipas tij, ofron shërbimet online. Ai shtoi se sporteli i Kadastrës do të mbyllet.

“Për fazën e aplikimit sot s’ka më nevoje të lëvizësh nga shtëpia, për të kërkuar një shërbim se aplikon drejtpërdrejt e po punojmë për të mbyllur ciklin edhe në fazën e dorëzimit online të shërbimit.

Sot s’ka nevojë të shkosh në Kadastër fizikisht, për të aplikuar për një shërbim ndaj dhe Kadastra do mbyllet si sportel, s’do ekzistojë më për të aplikuar e gjithë sekserët e kanalet e llumit ky qytetarët kanë qenë të detyruar të kalojnë për të zgjidhur hallet me Kadastrën s’do kenë më mundësi”, tha Rama.

Duke folur për Kadastrën, kryeministri shtoi se brenda këtij mandati tutulli i pronësisë do t'iu shkojë online qytetarëve. Sipas prezantimit që i bëri Rama, ky institucion nuk do të funksionojë më fizikisht.

“Ndërkohë nëse sot aplikon për të marrë një titull pronësie ende s’është e mundur që përgjigjen ta marrësh po në kompjuter apo në telefon, pra duhet ta marrësh fizikisht.

Ajo që po bëjmë tani kemi vënë një fond plus procesit të digjitalizimit të plotë të Kadastrës e duam që brenda këtij mandati titulli i pronësisë të të vijë në telefon e kompjuter e mos ketë më asnjë lidhje me godinat, ti aplikon e brenda një minuti, 60 sekondash ty të vjen letra.

Kjo është faza tjetër. Por ama në këtë fazë ku jemi është e mundur të mos shkosh fare në Kadastër për të aplikuar, aplikon online e për këtë arsye dhe sportelet e Kadastrës për aplikimet do mbyllen", shtoi kryeministri.

Të fundit