Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

‘Më kishte marrë malli’, Rama rrëfen takimin me Thaçin në Hagë: Hera e parë që hyja në burg, ishte si spital

Politiko 1 Qershor 2022, 09:33

‘Më kishte marrë malli’, Rama rrëfen takimin me

Kryeministri Edi Rama ka rrëfyer momentin e takimit më ish-presidentin Hashim Thaçi në Hagë, aty ku ai ndodhet në paraburgim duke u gjykuar për krimet e luftës në Kosovë.

Në një intervistë për ‘Opinion’, Rama tregoi se ishte hera e parë që hynte në derën e një burgu teksa rrëfeu ndjesitë që i përcolli ambienti.

“Me thënë të drejtën, po të mos kesh parasysh gjithë ata dyer që hapen, aty ishte si një spital goxha i mirë si cilësi. Por ata dyert që hapen e mbyllen, ata muret rreth e rrotull, natyrisht që nuk ka asgjë për t’u impresionuar pozitivisht”, u shpreh Rama.

Teksa tregon bisedën me ish-presidentin, kryeministri tregon edhe momentin ku Thaçi u shfaq para tij. Rama pohon se ‘e kishte marrë malli’ teksa gjatë vizitës së tij i ka bërë edhe një dhuratë.

“Ishte prekës momenti i pritjes. Unë isha më parë, Hashimi erdhi. Momenti i pritjes ishte prekës. Ai është lloji i njeriut që vinte gjithmonë në orar, dhe vonesa  kishte të bënte me faktin që nuk ishte njeri i lirë, ishte njeri i penguar nga procedura të caktuara. Tek ai formulari që unë plotësova, pyetja ishte se cila është arsyeja dhe unë shkruajta “më ka marrë malli”. Arsyeja ishte se më kishte marrë malli. Kemi folur për të gjitha gjërat, kemi folur për shëndetin dhe më ka treguar që për herë të parë qëkur bën analiza, trupi i tij është me të gjitha parametrat optimal. Më ka treguar për stërvitjen që bën, kemi folur për libra të ndryshëm. Çova një mori librash. Kryesisht libra që lidhen me historinë e shqiptarëve, që tek Skëndërbeu, tek librat që kanë dalë për Zogun, për fëmijërinë e Zogut, për fëmijërinë e Zogut. Pastaj libra për Ballkanin dhe kështu me radhë dhe besoj se do t’i pëlqejnë”, tregoi Rama.

Të fundit