Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Meloni sfidon Gjyqtarët: Nuk heq dorë nga deportimi i emigrantëve në Shqipëri

Politiko 17 Shkurt 2025, 20:05

Meloni sfidon Gjyqtarët: Nuk heq dorë nga deportimi i emigrantëve

Kryeministrja e Italisë, Giorgia Meloni, ka deklaruar se do të çojë përpara planin për deportimin e emigrantëve të parregullt në kampet e ndërtuara në Shqipëri, pavarësisht vendimeve të gjyqtarëve italianë që kanë bllokuar procesin.

Qeveria italiane ka ndërtuar dy qendra pritjeje në Shqipëri për të mbajtur emigrantët gjatë shqyrtimit të kërkesave për azil. Megjithatë, gjykatat e Romës kanë lëshuar kundër-urdhra, duke e ndaluar dërgimin e tyre jashtë Italisë.

Gjyqtarët kanë shprehur dyshime mbi përputhshmërinë e kësaj skeme me një vendim të fundit të Gjykatës Evropiane të Drejtësisë (ECJ), e cila vë në dyshim ligjshmërinë e riatdhesimit të emigrantëve në vende që mund të mos konsiderohen plotësisht të sigurta. Gjykata e Bashkimit Evropian pritet të shqyrtojë çështjen më vonë këtë muaj.

Meloni ka shprehur shpresën se GJED nuk do të rrezikojë politikat e riatdhesimit jo vetëm për Italinë, por për të gjitha vendet e BE-së. Ndërkohë, mbështetësit e qeverisë e kanë akuzuar gjyqësorin për sabotim të qëllimshëm të një prej prioriteteve të saj, një akuzë që gjyqtarët e kanë mohuar.

"Ne jemi të përkushtuar për të gjetur një zgjidhje për çdo pengesë. Qytetarët po na kërkojnë të ndalojmë imigracionin ilegal, pasi ai shkakton pasiguri, mungesë integrimi dhe pamundësi për të garantuar sundimin e ligjit”, u shpreh Meloni gjatë një konference me oficerët e policisë.

Të fundit