Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

"Meta do bëhet mbret apo të bjerë dëshmor?", Rama vijon ironinë pas miratimit të Kodit, thumbon Bashën: Luli pret biologjinë për rotacion

Politiko 29 Tetor 2020, 15:50

"Meta do bëhet mbret apo të bjerë dëshmor?", Rama

Foto Ilustruese; Rama, Meta, Basha

Kryeministri Edi Rama nuk e ka kapërcyer dot pa ironizuar presidentin Meta pas rrëzimit të dekretit të tij për Ndryshimet Kushtetuese të Kodit Zgjedhor. Gjatë fjalës së tij nga foltorja e Parlamentit, Rama e ka rikthyer edhe njëherë vëmendjen tek legjitimiteti i opozitës parlamentare, ndërsa rithekson se ata kanë ardhur aty me firmën e Bashës, Kryemadhit dhe Petrit Vasilit.

Kryeministri ka vijuar me etiketimet e tij ndaj minorancës parlamentare, kur shprehet se: “Sipas meje ju jeni një aksident i dobishëm në këtë fazë.” Ndërsa ‘thumbat’ nuk kanë munguar edhe në drejtim të kryedemokratit Basha.

“Luli është në pritje që biologjia të kryejë rotacionin, për arsye biologjike, moshe goditje në sistemet e mia të frymëmarrjes, sistemit të gjakut apo përpunimit të ushqimit të largohem nga jeta, që Luli të bëhet kryeministër se një tjetër vizion nuk e shoh”, tha Rama.

“Ilir Meta e ka ftuar Parlamentin që të rrëzojë dekretin e tij duke e sfiduar Parlamentin ka sfiduar ata që votuan pro dhe kundër. Sipas Metës, juve të opozitës ju kam sjellë unë me Taulant Ballën në bashkëpunim me disa alienë, ju kemi gjetur në Hënë, në Mars madje edhe në Jupiter ndaj edhe nuk arrini dot të artikuloheni. Ju keni ardhur me firmë të Bashës e Kryemadhit. Këta të dy kanë firmosur për ju, për disa akoma ka firmosur doktor Peco Vasili. Tani Meta thotë që ju nuk ekzistoni.

Sipas meje ju jeni një aksident i dobishëm në këtë fazë, se falë jush dhe bashkëpunimit me ju kemi arritur të bëjmë atë që s’do bënim dot nëse do ishte Monika, Luli dhe shokët e tyre që nuk duan zgjedhje. Luli është në pritje që biologjia të kryejë rotacionin, për arsye biologjike, moshe goditje në sistemet e mia të frymëmarrjes, sistemit të gjakut apo përpunimit të ushqimit të largohem nga jeta, që Luli të bëhet kryeministër se një tjetër vizion nuk e shoh. Strategjia e tij është prit biologjinë e vazhdo bëj ‘hajgare’ me politikën. Sot tha 60 pa 15 bëjnë 50, e kishte fjalën për tamponët.

Ilir Meta ka një problem tjetër, të qartë, është e dhimbshme nga ana njerëzore ta shikosh katandinë e një individi që Shqipëria nuk i ka dhënë askujt aq shumë që nga dita e parë e ngritjes së Flamurit pas Pavarësisë. Që nga Ismail Qemali askush s’ka marrë aq shumë sa ai, edhe kryeministër 30 vjeç, edhe kryeparlamentar 40 edhe president 50, për të 60 çfarë kërkon ky të bëhet mbret apo të bjerë dëshmor”, tha Rama.