Manastirliu: Kemi siguruar 100 mijë teste të shpejta, do nisim nga e hëna

Foto ilustruese/ Ministrja e Shendetesise, Ogerta Manastirliu

Ministrja e Shëndetësisë, Ogerta Manastirliu deklaroi se duke filluar që nga dita e hënë do të nisin testet e shpejta për identifikimin e Covid-19.

Përmes një konference për shtyp, Manastirliu tha se do të nisë nga Tirana fillimisht, e më pas do jetë i disponueshëm në të gjithë njësitë vendore të kujdesit shëndetësor.

Sipas ministres, fillimisht janë siguruar 100 mijë teste të tilla.

"Për sa i përket përfshirjes së shpejtë të antigenit, kemi siguruar në kontratën e parë 100 mijë teste të shpejta të antigenit që janë tashmë të disponueshme në vendin tonë. Testimi i shpejtë i antigenit do të nisë nga dita e hënë fillimisht në Tiranë. 

Në fazën e parë duke filluar nga dita e hënë fillon testi i shpejtë i antigenit që do jetë i disponueshëm ntë gjithë njësitë vendore të kujdesit shëndetësor. Janë struktura që kryejnë testin e tamponit.

Një fond prej 8 mln eurosh është dedikuar për mbështetjen speciale për stafet tona në terren, spitalet dhe operatorët e kujdesit shëndetësor. Kemi dyfishuar kapacitetet me shtretër. Forcuam kapacitetet spitalore me pajisje mjekësore për përballimin e pandemisë jo vetëm në afatshkurtër por dhe përballje në vjeshtë-dimër.

Në fillim të kësaj epidemi numëroheshin rreth 200 respirator, sot kemi 483 respiratorë të dedikuar në funksion të mbështetjes së terapive intensive.

Kemi marrë të gjitha masat në kohë për testimin e shpejtë të antigenit. Sot janë funksionalë 4 laboratorë publikë”, tha Manastirliu.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm