Flash News

Helmimi masiv në kopshtin e Gramshit, Prokuroria e Elbasanit nis hetimet

Tentuan të vrisnin një 58-vjeçar me sëpatë në Fier, arrestohet babai, në kërkim djali

Shpërthim me lëndë plasëse në një lokal në Berat

Përfshihet nga flakët makina në ecje në aksin Fier-Lushnje

Shuhet në moshën 86-vjeçare regjisori i njohur Piro Milkani

Ditari i Maxhorancës

Najada Çomo nga fushata e PS-së: Unë nuk kërkoj votën për vete, por kërkoj të votohet Ogerta

Politiko 25 Mars 2021, 19:00

Najada Çomo nga fushata e PS-së: Unë nuk kërkoj votën

Në fjalën e saj në çeljen e fushatës së PS-së, Doktoresha Najada Çomo - e renditur e dyta në listën e  Tiranës - ka thënë se ndihet e vlerësuar dhe e emocionuar që po përfaqëson një grup të madh njerëzish që punojnë ditë dhe natë për të shpëtuar jetët e personave që vuajnë nga Covid-19.

"E them e vlerësuar sepse vlerësimi shkon për ata kolegë, për atë staf që është në krye të detyrës qoftë në spitale apo kudo nëpër Tiranë apo Shqipëri. Dhe them që jam modeste sepse në vendin tim mund të ishte kushdo tjetër për të bërë këtë punë por unë jam një nga ata që do të përfaqësoj me angazhimin tim maksimal, qytetar të gjitha bluzat e bardha".

Çomo tha se nuk është politikane por do të japë maksimumin e saj:

"Unë nuk jam politikane. Unë jam profesioniste, unë do të vazhdoj ta ushtroj profesionin tim, për ta fituar betejën me Covid-in dhe jo vetëm me të por edhe me sëmundje të tjera. Por natyrisht gjykoj se do të jap maksimumin tim si qytetare për më të mirën në fushën shëndetësore."

Çomo e mbylli fjalën e saj duke thënë se ajo kërkon vbotën për ministren e Shëndetësisë, Ogerta Manastirliun:

"Unë sot si pjesë e skuadrës socialiste, nuk kërkoj ta marr votën për vete, por kërkoj që të votohet Ogerta e cila ka qenë dhe është një grua qoftë si Drejtoreshë e QSUT, qoftë si ministre e MSH ka bërë një punë të palodhur të paepur duke dëgjuar me vëmendje të gjithë profesionistët e shëndetit."

 

Të fundit