Flash News

Evazioni fiskal i ‘Bankers’, lihet në burg CEO kinez dhe ish-drejtori

Përplasen dy makina në aksin Sarandë-Delvinë, 4 të plagosur

Alarm për bombë, Policia largon deputetët dhe mediat nga ndërtesa e Kuvendit të Kosovës

“Vullneti i popullit” dhe ironia e dorëheqjeve të komanduar

Përfundon pa ndryshime rinumërimi i votave në Durrës

Ditari i Maxhorancës

“Ëndrra që më le pa gjumë”, Rama nga Lezha: Me vaksinimin masiv do të kemi një sezon turistik ndryshe

Politiko 7 Mars 2021, 10:59

“Ëndrra që më le pa gjumë”, Rama nga Lezha: Me

Kryeministri Edi Rama, ditën e sotme është ndalur në Lezhë ku edhe ka nisur një bashkëbisedimin me banorët në këtë qytet, për të prezantuar projektet e Partisë Socialistë.

Gjatë fjalës së tij, Rama u shpreh se investimet në zonën e Lezhës nuk kanë munguar, ndërsa shtoi se shumë shpejt do të hapet gara për aksin Milot-Muriqan.

 “Është e vërtetë që ne kemi një fokus vijë bregdetare dhe po ta shohësh pasqyrën e sotme mungon një komponent i rëndësishëm i këtij fokusi dhe për këtë ka një arsye. Sepse nëse një sërë investimesh janë bërë në zonë e bregdetin Jon është sepse ka qenë në prapambetje dhe së dyti kemi një mundësi të rëndësishme për rritjen ekonomike në atë zonë. Elementi kyç është aksi Ballren-Milot-Fier duke kaluar përmes Thumanës dhe Rrogozhinës.

Pjesë është edhe aksi Milot-Muriqan.  Është një investim kolosal që nuk e kemi finalizuar akoma me një kontratë të fillimit të punimeve sepse gara e hapur u përfol si garë e paracaktuar nuk nxori fitues. Por gara do të rihapet shumë shpejt. Si asnjëherë më parë ne kemi investuar në Tropojë, Malësinë  e Madhe, Pukë, Dibër, duke bërë realitet rrugën e Arbrit që ishte një ëndërr që sot po realizohet. Kemi investuar jo pak në të gjithë zonë e Lezhës”, tha Rama.

Gjithashtu, kryeministri foli dhe për procesin e vaksinimit, ku tha se sigurimi i vaksinave, është ëndrra që po e le pa gjumë për momentin.

“Ndihma tjetër për biznesin është vaksinimi, ka filluar, jam shumë shpresëplote është e afërt dita ku do të kemi një sasi të konsiderueshëm vaksinash, të nisim vaksinimin masiv, me synimin që sezoni turistik të jetë i hapur dhe pa rreziqe. Vaksina është sëpatë që shkëput zinxhirin e infeksionit. Nëse bëjmë një vaksinim masiv në prill, maj dhe fillim të qershorit, do të kemi një sezon veror ndryshe nga ai i vjetshmi. Për ta këputur zinxhirin do të kalojmë në një tjetër stad, një tjetër sasi nga pikëpamja e volumit. Nga volumet e deritanishme procesi do të jetë më e ngadaltë. Shpresojmë t‘ia dalim, kjo është ëndrra që më le pa gjumë për momentin, se si të sigurojmë sasinë e vaksinave për virusin vrasës”, tha Rama.

Të fundit