Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Ndryshon i Urdhri i Mjekut: Drejtorët e spitaleve ndalohet të punojnë në privat, vendoset tavan për orarin e punës

Politiko 1 Gusht 2024, 10:34

Ndryshon i Urdhri i Mjekut: Drejtorët e spitaleve ndalohet të

Këshilli i Ministrave ka miratuar ndryshimet e fundit për Urdhrin e Mjekut.

Ministrja e Shëndetësisë, Albana Koçiu deklaroi për mediat se të gjithë profesionistët e shëndetësisë duhet të deklarojnë dhe të bëjnë transparente punën e tyre në sektorin privat, duke vendosur po ashtu edhe një tavan për orët e punës në këtë sektor.

“Dua të theksoj që në kryer të herës atë angazhim që ne morëm bashkarisht për të garantuar dhe për siguruar një balancë mes interesit primar të qytetarëve dhe interesit të mjekëve dhe strukturave publike shëndetësore që është shmangia sa më shumë e mundur e konfliktit të interesit në rastin e çdo profesionisti të mjekësisë i cili punon në strukturat shëndetësore publike.

Ndryshimet që kemi propozuar në ligjin dhe që u miratuam sot me vendimin më të fundit të Qeverisë në ligjin për “Urdhrin e Mjekëve në Republikën e Shqipërisë”, kryesisht konsistojnë në bërjen publike dhe transparente të informacionit për të gjithë profesionistët e shëndetësisë që punojnë në strukturat publike sa i përket angazhimeve të tyre dhe private.

Ndërkohë që ndryshim tjetër i rëndësishëm është pikërisht dhe miratimi i një regjistri publik i cili do të garantojë akoma më shumë transparencë për këdo profesionistë të shëndetësisë që punon në strukturat publike shëndetësore lidhur me punësimin e tij dhe privatisht.

Ndërkohë nga ana tjetër kemi vendosur edhe një tavan të orëve të punës për të cilat një mjek që punon në sektorin publik mund të angazhohet dhe të punojë privatisht.

Ndërkohë që kemi bërë të qarta dhe procedurat për masat disiplinore dhe strukturat përkatëse të cilat do të rregullojnë veprimtarinë akoma më shumë të të gjithë profesionistëve të shëndetësisë që punojnë në sektorin publik.

Është e rëndësishme të theksojmë se të gjitha këto ndryshime vijnë dhe në vazhdën e reformës më të rëndësishme që është ajo e Autonomisë Spitalore, një reformë e cila ne besojmë fort që do të ndryshojë tërësisht mënyrën e shërbimit të ofrimit në kujdesin shëndetësor. Do të sjellë më pranë dhe më cilësisht shërbimin që strukturat publike shëndetësore ofrojnë për qytetarët dhe padiskutim që do të rrisin akoma më shumë dhe do të përmirësojnë mirëmenaxhimin e spitaleve dhe mirëmenaxhimin e profesionistëve të shëndetësisë”, deklaroi Koçiu.

Po ashtu, është marrë masë edhe për drejtorët e spitaleve të cilët e kanë të ndaluar të punojnë në sektorin privat.

“Ka edhe një rregullim edhe të kësaj pike dhe ka të bëjë pikërisht me faktin që drejtuesit e institucioneve publike shëndetësore e kanë të ndaluar të kenë dhe klinika private dhe t’i drejtojnë ato klinika private dhe duke qenë titullarë njëkohësisht dhe në strukturat spitalore shtetërore dhe në strukturat e tyre private”, tha Koçiu.