Flash News

Nga Venezuela për të ushtruar pr*stitucion në Vlorë, në hetim 3 vajza

Kapet në Fushë Kuqe i riu me rrezikshmëri të lartë (EMRI)

Aksoni antid*ogë në Shkodër, kush është ish-Shefi i Krimeve i shpallur në kërkim nga SPAK

D*ogë nga Amerika Latine/ SPAK aksion në Shkodër, lëshohen 13 urdhër-arreste, edhe policë të përfshirë

Kërkon lirinë, caktohet data për shqyrtimin e ankimimit të Metës

Ditari i Maxhorancës

Në vend të zgjidhjes, Rama “jep mend”: Fermerët mos t'i hedhin produktet, shikoni Izraelin që ujin e detit e kthen në të ëmbël

Politiko 28 Qershor 2022, 11:27

Në vend të zgjidhjes, Rama “jep mend”: Fermerët mos

Në vend që të jepte zgjidhje dhe të ofronte mundësi për tregtimin e produkteve bujqësore, kryeministri Edi Rama e kaloi fajin te fermerët.

Referuar faktit që shpesh këta të fundit kanë hedhur produktet e tyre, pasi nuk kanë se ku t’i shesin, kreu i qeverisë u shpreh se duhet t’i gjejnë vetë mundësitë. Në një aktivitet ku mori pjesë, Rama u ndal edhe te mungesat që pritet të krijohen gjatë dimrit.

“Ajo që bën diferencën me vullnetit për punë dhe djersës së derdhur është dija që lidhet me informacionin. Mjafton të marrë mundimin dhe të shikojë si bëjnë të tjerët. Dalin në televizor pamjet e disa fermerëve që hedhin qershitë se nuk i sheshin dot dhe bërtasin për qeverinë se nuk i ndihmon.

Kjo do ishte shqetësuese nëse kjo do të ndodhte me qershinë e Shqipërisë por ka të tjerë që bëjnë sukses. Dhe bëjnë më shumë sukses pikërisht si rezultat i rritjes së çmimeve. Cili është dallimi mes të parëve dhe të dytëve.

Këtu e para ata fermerë duhet të marrin mundimin dhe të shkojnë te ata të tjerët dhe të thonë si e bëni ju këtë. Dhe e dyta i takon ministrisë që të ndërtojnë ura komunikimi për të transferuar dijen e krijuar nga njerëzit në territor. Krizën nuk e kemi krijuar ne dhe as nuk e ndalojmë dot ne. Flitet për një dimër të vështirë përpara për mungesa të mëdha. Me rritjen e çmimeve të naftës dhe energjisë”, tha Rama.

Ky i fundit solli si shembull Izraelin, për t’iu thënë fermerëve që duhet të gjejnë zgjidhje alternative. Rama tha se Izraeli riciklon ujërat e zeza për vaditje, sepse nuk ka ujë nga natyra.

“Izraeli nuk ka ujë nga zoti, nga natyra. Por është vendi me sistemin më ekselent të furnizimit me ujë dhe ujitjes në bujqësi. Pse sepse në mungesë të ujit dhe bollëkut të ujit si e kemi ne, ai ka investuar te mendja, te dija, te informacioni dhe ka arritur të transformojë një mungesë të madhe në një burim zhvillimi të jashtëzakonshëm duke e kthyer ujin e detit në ujë të ëmbël për të pirë dhe për të ujitur dhe duke ricikluar të gjitha ujërat e zeza për ujitje. Asnjë gram nuk shkon dëm. Ky është një shembull në territorin e bujqësisë sonë sot ka jo pak shembuj zhvillimi dhe suksesi përmes vënies së një vëmendje të veçantë te dija”, tha Rama.

 

Të fundit