Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Nën hetim nga SPAK, kryebashkiaku i Rrogozhinës: Di t’i përgjigjem drejtësisë, jam përballur me çdo akuzë

Politiko 23 Mars 2024, 17:13

Nën hetim nga SPAK, kryebashkiaku i Rrogozhinës: Di t’i

Kryebashkiaku i Rrogozhinës, Edison Memolla, ka reaguar pasi u mor nën hetim nga Prokuroria e Posaçme edhe për pastrim parash.

Me një reagim në Facebook, Memolla shprehet se është përballur me çdo akuzë e shpifje ndaj tij dhe se të qenurit pjesë e politikës, e ka vendosur në shënjestër të mediave, që Memolla u referohet me termin e kryeministrit “kazan”.

Memolla paralajmëron se për çdo shpifje ndaj tij dhe baltosje të familjarëve, do t’i drejtohet institucioneve të drejtësisë.

“Deri më sot jam përballur me çdo akuzë, shpifje, të pavërtetë apo lajm të rremë që prej kohesh kanë dalë për të ulur në sytë e gjithkujt imazhin tim.

Të qenurit pjesë e politikës padyshim që të bën të jesh në shënjestër të shumë kazanëve mediatik vetëm për të përmbushur kërkesat e personave të etur për pushtet që fshihen pas siglave televizive.

Megjithatë kurrë nuk kam dalë kundër tyre hapur pasi jam individ që di ti përgjigjem drejtësisë për aq kohë sa punën dhe postin që ma kanë besuar qytetarët e mi e drejtoj me ndershmëri dhe pastërti. Por fakti që përveç meje po baltosni familjarë të mi me akuza tepër të rënda dhe të pafalshme, madje për të disatën herë, më bën të reagoj dhe të përdor çdo armë të mundshme ligjore për t'i mbrojtur ata.

Kushdo që na njeh e di mirë me sa mund dhe djersë ka arritur familja ime të jetë kjo që është tani dhe për të gjithë ata që nxjerrin fjalë të tjera përveçse kësaj të vërtete, tashmë do të shihemi qoftë edhe për shpifjen më të rëndomtë, në dyert e të gjitha institucioneve të drejtësisë.

Me respekt, Edison Memolla”, shkruan kryebashkiaku socialist.

Memolla është vënë nën hetim edhe për pastrim parash, përveç akuzës së korrupsionit dhe shpërdorimit të detyrës.

Homologët italianë i kanë vënë SPAK-ut në dispozicion materialin ku bëhet fjalë për një transfertë të dyshimtë 1 milion euro, që dyshohet se i përket pikërisht lidhjeve të afërta të kryebashkiakut Memolla.

Të fundit