Nëse Kushtetuesja rrëzon "30 Qershorin", a do i pranonte zgjedhjet e reja? Veliaj: Kur të duan dhe me kë kandidat të duan

Kryetari i Bashkisë së Tiranës Erion Veliaj ka folur lidhur me vendimin që pritet të marrë Gjykatat Kushtetuese lidhur me zgjedhjet lokale të 30 Qershorit 2019, ku pritet të vijë dhe një opinion nga Komisioni i Venecias.

Nëse Gjykatat Kushtetuese vendos t'i rrëzojë ato zgjedhje, Veliaj është shprehur i gatshëm për zgjedhje të reja "kur të duan dhe me kë kandidat të duan."

"Po presidenti bëri një shkelje duke anuluar zgjedhjet, por zgjedhjet ndodhën gjithsesi dhe shkelja nuk duket aq e rëndë sa për shkarkimin. Për zgjedhjet dhe Presidentin Venecia u shpreh. Pres një përgjigje nga që i kënaq të gjithë dhe opozitën. Zgjedhjet kur të duan dhe kur të jenë gati me një kandidat kë të duan për të parë ofertat më të mira. E shoh sëkëlldinë e tyre. Sot dhe kundërshtari ynë më i madh është bërë më i pasur, nga ato që kemi bërë. Do zbatoj vendimin e gjykatës. Nuk kam bërë kurrë debate me gjykatat. Jetoj në Shqipëri, kushdo që të jetë vendimi pavarësisht se i di influencat që luhen, do e zbatoja”, u shpreh Veliaj për News24.

I pyetur për ndërtimin e teatrit të ri, ai tha se pritet një vendimmarrje e Këshillit të Ministrave dhe se brenda këtij viti do nisin punimet.

“Ne do të kemi shumë shpejt një vendimmarrje të Këshillit të Ministrave për të operuar për ndërtimin e teatrit siç bën bashkia për çdo shkollë. Bashkia i ndërton shkollat, ministria ka kontentin, përmbajtjen. Do gjejmë një zgjidhje të gatshme me ndërtimin e shkollave. Ne ndërtojmë infrastrukturën, ministria përkatëse do bëjë përdorimin dhe shfrytëzimin e vet. Do nisë brenda pak muajsh, sa zgjat procedura e garës, por brenda këtij viti patjetër”, u shpreh Veliaj.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm