Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Nga Balluku te Kushi, ministrat e Ramës prezantojnë objektivat e mandatit të tretë

Politiko 12 Qershor 2021, 21:01

Nga Balluku te Kushi, ministrat e Ramës prezantojnë objektivat e

Ministrja e Infrastrukturës, Belinda Balluku njoftoi se në mandatine tretë do të rehabilitohet hekurudha Vorë – Han i Hotit. Ajo foli për projektet infrastrukturore të mandatit të tretë.

“Përveç linjës hekurudhore të shpejtësisë së lartë Tiranë, Rinas- Durrës, do vi dhe linja e re Pogradec, Korçë Greqi e cila do bëjë shumë më të leverdisshme dhe të shpejtë lëvizjen e mallrave e pasagjerëve në drejtim të Greqisë, Bullgarisë, Turqisë dhe Maqedonisë së Veriut përmes një nyje në zonën e Linit. Duke jetësuar kështu korridorin e tetë. Linja me Malin e Zi do bëhet duke rehabilituar hekurudhën, Vorë, Hani i Hotit”, tha Balluku.

Ndërkohë ministri i Brendshëm, Bledi Çuçi premtoi reformim të policisë. Ai u shpreh se do forcojë sigurinë, por do të fokusi kryesor, sipas tioj, do të jenë shërbimet në kufi. Çuçi shtoi se do të përmirësohet raporti i uniformave blu me qytetarët.

"Policia këtë dekadë do jetë model, për sjelljen me ju, reagimin, polici komunitare ku njerëzit do të jenë të përfshirë në sigurinë e përbashkët. Do e bëjmë territorin, rrugët e jetët tona më të sigurta.

Do sofistikojmë më tej shërbimet dhe kufirin. Pikat kufitare janë fytyra e parë e miliona turistëve në vendin tonë. Pas 3 dekadave kaosi me sistemin e adresave, do të dijë kush jeton ku, për të rinovuar marrëdhënien me qytetarin, çdo qytetar do të ketë një adresë brenda vitit të parë të mandatit të tretë", tha Çuçi.

Ndërsa ministrja e Shëndetësisë, Ogerta Manastirliu foli për përmirësim të këtij sistemi. Ajo foli për objektivat në fushën e shëndetësisë. Manastriliu premtoi ngritjen e të tjera qendrave shëndetësore edhe në zonat e thella të vendit, por edhe ato për trajtimin e sëmundjeve mendore dhe për fëmijët.

"Ka ardhur momenti ta ngremë në një nivel të ri shërbimin ndaj pacientit me zbatimin e autonomise spitalore. Do të ngremë 10 qendra model të mjekësisë familjare, me shërbime të integruara socio-shëndetësore, me fokus problemet e shëndetit mendor, shërbimet për fëmijët dhe të rinjtë, dhe kujdesin paliativ brenda vitit 2024.

Do të konsolidojmë Platformën e Integruar të Shëndetësisë Digjitale, që zgjeron sistemet e shëndetësisë elektronike, sistemet e përgjigjes ndaj epidemive, sistemet e menaxhimit të shërbimit farmaceutik dhe rrjetin e Telemjekësisë dhe konsultave ambulatore në çdo nivel shërbimi. Do të ndërtojmë Programin Kombëtar të mjekësisë së specializuar të lëvizshme, me qëllim që, qytetarët dhe në zonat më të thella të vendit të kenë akses periodik në shërbimin shëndetësor", deklaroi Manastirliu.

Ministrja e Arsimit, Evis Kushi bëri me dije gjuha angleze do të nisë që nga klasa e parë, duke nisur nga shtatori. Ajo tha se do të marrë fund praktika e mësimit me dy turne.

"Që prej këtij shtatori gjuha angleze fillon që në klasën e parë. Është bërë një punë e jashtëzakonshme për forcimin e kurrikulave, duke përgatitur plotësisht zbatimin e kësaj politike ambicioze. Mandati i tretë shënon fundin e shkollave me dy turne. Shkollat e reja do të jenë më të mirë, më të forta, më të sigurta", tha Kushi.

"Po shembim drejtësinë e vjetër, dhe po ngremë drejtësinë e re". Kështu u shpreh ministrja e Drejtësisë Etilda Gjonaj. Ajo tha se gjyqtarët dhe prokurorët e korruptuar si dhe të paaftë do të largohen nga sistemi i drejtësisë.