Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

“Nga janari, shtohet statusi i ri për fëmijët në përkujdesje të Republikës”,kategoritë që përfitojnë nga dyfishimi i ndihmës ekonomike

Politiko 20 Dhjetor 2021, 11:34

“Nga janari, shtohet statusi i ri për fëmijët në

Në seancën e fundit plenare për këtë vit, Rama ka folur dhe për skemën e ndihmës ekonomike që do të votohet sot në Kuvend për të ndihmuar fëmijët në përkujdesën e Republikës së Shqipërisë.

Sot në Kuvend do të votohet miratimi i statusit të veçantë “Fëmijë në përkujdesje të Republikës”. Përmes këtij ligji, shteti merr në mbrojtje dhe përkujdesje të veçantë fëmijët jetimë të prindërve që kanë humbur jetën në krye të detyrës.

Fjala e Ramës:

Ndihem mirë që në seancën e fundit të parlamentit për këtë vit dhe në prag të festave të fundvitit ne mund t’i përcjellim si fakt dhe jo më si qëllime të mira disa ndryshime të rëndësishme të realizuara së fundmi në këtë kuvend si dhe një tjetër ndryshim shumë të rëndësishëm që do të realizojmë sot me votën e këtij kuvendi.

Duke nisur nga janari, të gjitha nënat me 3 ose më shumë fëmijë në skemën e ndihmës ekonomike do të përfitojnë dyfishin, ashtu sikundër do të përfitojnë edhe vajzat e gratë e dhunuara apo trafikuara, të gjitha nënat me fëmijë me aftësi ndryshe dhe po ashtu jetimët që janë në skemën e ndihmës ekonomike. Por këtyre sot u shtohet dhe një kategori tjetër përmes nismës së re ligjore për statusin fëmijë nën kujdesin e republikës, një nismë që reflekton një vizion që mishëron një ambicie dhe që faktikisht materializon një qasje të vazhdueshme të kësaj shumice qeverisëse në raport me ata që ndihen më të dobët sepse u përkasin kategorive më vulnerabël.

Me votën e sotme, Kuvendi do të përcaktojë një status të ri për të gjithë fëmijët apo personat nën kujdestari të dëshmorit të atdheut, mjekëve dhe infermierëve që kanë humbur jetën si rezultat i pandemisë në krye të detyrës, të personave që kanë humbur jetën në përpjekje për të mbrojtur pronën publike dhe të atyre që kanë humbur duke mbrojtur jetën e personave të tjerë. Nëpërmjet kësaj nisme që sot kthehet në ligj, shteti merr në mbrojtje dhe përkujdesje të veçantë të gjithë fëmijët e të gjithë këtyre kategorie prindërish për t;iu lehtësuar përballimin e një vijimësie jete në kushtet e humbjes së prindit apo kujdestarit ligjor. Statusi fëmijë në kujdesin e republikës përfitohet deri në moshën 18 vjeç por siguron kujdes material deri në 25 vjeç nëse vijon shkollimin e lartë.

Ne do të vijojmë të rrisim edhe masën e mbështetjes së tyre. Do të kishte qenë shumë më mirë se çka bëjmë sot ta kishim bërë më parë, por thelbi është se gjithçka varet nga mundësitë dhe prandaj përpjekja për të rritur mundësitë edhe për ata që kanë nevojë për paga e pensione më të larta, është një përpjekje që nuk mund të zëvendësohet nga dëshirat e mira, por duhen mundësitë. Me rritjen e mundësive mund të rritet dhe mbështetja.

Përveç fondit financiar për këta fëmijë që janë jetimë dhe kanë humbur jetën në krye të detyrës, por sot është shteti që ju gjendet në aspektin e mbështetjes materiale njësoj si të ishte prindi në punë teksa gëzonte pagën më të lartë, janë dhe një sërë të drejtash të tjera që nga institucionet shëndetësore publike dhe jopublike kur është nevoja, brenda dhe jashtë vendit.

Në sistemin parauniversitar, përfitojnë të gjitha bursat për nxënësit apo studentët pavarësisht faktit që marrin mbështetje maksimale nga shteti. Po ashtu përfitojnë një përjashtim tërësor nga tarifat vjetore sipas kuadrit ligjor në fuqi, pavarësisht nivelit përkatës të fashës në të cilën gjenden nga pikëpamja e rezultateve. Po ashtu përfitojnë një asistencë falas dhe mbështeten me trajtim preferencial për punësimin e tyre në përfundim të studimeve të arsimit të lartë.

Personi që merr statusin “fëmijë në mbrojtje të Republikës së Shqipërisë”, përtej këtyre të drejtave dhe çdo aftësie të veçantë për të përthithur të tjera të ardhurave, vazhdon e merr deri në moshën madhore apo kur përfundojnë studimet e larta, trajtimin financiar në bazë të pagës së prindit në atë fazë që ishte më e larta dhe jo si një mesatare. Shumë të vetëdijshëm për borxhin me akte të rralla patriotizmi dhe që i dhanë ndjesinë e jashtëzakonshme të vlerës së jetës por edhe përkushtimin për mbrojtjen e jetëve të të tjerëve.