Flash News

Fuste dr*gë dhe sende të paligjshme në qeli, arrestohet polici i burgut të Drenovës

Lavrov: NATO po rrezikon vetëshkatërrimin me buxhetin e ri ushtarak

​Kurti e Vuçiç "përballen" nesër në Shkup

Bie nga skelat, humb jetën punëtori i ndërtimit në Berat

Prokuroria dërgon për gjykim dy zyrtarët e Bashkisë Korçë

Ditari i Maxhorancës

Nga magjistratura te vetting-u/ Zbardhen propozimet për ndryshime në Reformën në Drejtësi

Politiko 5 Tetor 2022, 12:58

Nga magjistratura te vetting-u/ Zbardhen propozimet për ndryshime në

Reforma në Drejtësi u miratua 6 vite më parë në Parlament me 140 vota. Megjithatë, partitë politike duket se kanë arritur në përfundimin se reforma ka nevojë për disa ndryshime.

Kryetarja e Komisionit të Ligjeve dhe njëherazi pjesë e grupit të punës për hartimin e draftit e ndryshime, Klotilda Bushka, ka treguar për Gazetë Panorama disa nga ndryshimet që mund të bëhen në reformë.

Bushka u shpreh se është parashikuar që viti i tretë i magjistratëve të mos jetë praktikë, por do të fillojnë punë dhe të merren me çështje të thjeshta.

“Një prej tyre ishte që viti i tretë i magjistraturës të mos ishte vit praktike, por vit pune. Pra, magjistratët në vitin e tretë mësojnë zanatin me një gjyqtar më të vjetër. Duke pasur parasysh se ata kanë bërë fakultetin, kanë bërë tre vite eksperiencë pune, bëjnë edhe 2 vite shkollë, ata janë të aftë për të bërë gjyqe të një natyre më të lehtë çështjesh. Kjo rrit eficencën. I fut në punë dhe evadon çështje dhe çështjet janë të thjeshta. Viti i tretë i jep sens sistemit sepse ke njerëz që mund të marrin përsipër çështje”, pohoi Bushka.

Aktualisht studentët që fitojnë shkollën e magjistraturës i nënshtrohen dy herë procesit të vetting-ut: pasi fitojnë shkollën dhe kur e mbarojnë. Bushka tha se duhet një ndryshim që konsiston vetëm në një vetting për magjistratët.

“Magjistratët që shkojnë në shkollën e magjistraturës, ata që janë kandidatë për magjistratë, u bëhet një veting pasi fitojnë shkollën. Pastaj i bëhet edhe një veting pasi mbarojnë shkollën. Të dyja këto kërkojnë të njëjtën kohë. Por gjate kohës që ata në shkollë s’ka pse të bëhet ky vetingu pasi përfundojnë shkollën. Pra, është ideja që të bëjmë vetëm një veting sepse na vonohet emërimi i magjistratëve të rinj në sistem. Ne kemi nevojë për gjyqtarë dhe prokurorë”, tha ajo.

Një tjetër ndryshim në Reformën në Drejtësi lidhet edhe me emërimin e gjyqtarëve dhe prokurorëve. Bushka tha se ata këshilltarë ligjorë që mbarojuni magjistraturën dhe emërohen këshilltarë, nëse në 5 vite kanë rezultate të shkëlqyera, mund të bëhen gjyqtarë.

“Ka edhe kërkesa të tjera të natyrës për këshilltarët ligjor. Këta që të bëhen në këtë pozicion duhet të fitojnë konkursin e shkollës. Por ata e bëjnë konkursin, e shohin që nuk fitojnë për magjistratë dhe thonë po rri e po filloj sërish vitin tjetër dhe në këtë mënyrë është ulur kërkesa për këshilltarë ligjor sepse të gjithë duan të bëhen magjistratë. Ai thotë që unë bëj shkollë dhe ndërkohë mbes vetëm këshilltar, ndërkohë që njerëzit aspirojnë të bëhen magjistratë. Aplikojnë këtë vit, s’fitojnë për magjistratë, por për këshilltarë. Nuk fillojnë, por presin një vitin tjetër. Ndërkohë, ne themi këtë që ata që mbarojnë për këshilltarë ligjorë, pasi mbarojnë magjistraturën dhe emërohen diku këshilltarë dhe nëse në 5 vite kanë rezultate të mira, në bazë të një meritokracie, mund të bëhen gjyqtarë, një pjesë të tyre i jep një mundësi të hyjnë në sistem, duke nxitur edhe interesin e tyre të aplikojnë”, shtoi Bushka.

Të fundit